San Pedro City Transportation Regulatory Unit

14/07/2026

𝐏𝐀𝐆𝐊𝐈𝐋𝐀𝐋𝐀 𝐌𝐔𝐋𝐀 𝐒𝐀 𝐏𝐎𝐒𝐎-𝐓𝐑𝐔

Ang 𝐏𝐮𝐛𝐥𝐢𝐜 𝐎𝐫𝐝𝐞𝐫 𝐚𝐧𝐝 𝐒𝐚𝐟𝐞𝐭𝐲 𝐎𝐟𝐟𝐢𝐜𝐞 – 𝐓𝐫𝐚𝐧𝐬𝐩𝐨𝐫𝐭𝐚𝐭𝐢𝐨𝐧 𝐑𝐞𝐠𝐮𝐥𝐚𝐭𝐨𝐫𝐲 𝐔𝐧𝐢𝐭 (𝐏𝐎𝐒𝐎–𝐓𝐑𝐔) ay taos-pusong nagbibigay ng pagkilala at pasasalamat sa drayber ng 𝐒𝐀𝐒𝐓𝐎𝐃𝐀, 𝐅𝐫𝐚𝐧𝐜𝐡𝐢𝐬𝐞 𝐍𝐨. 𝟎𝟑𝟓𝟔, sa kanyang ipinakitang malasakit at kusang-loob na pagtulong sa isang motorista na nasiraan ng motorsiklo sa ibabaw ng Tulay sa Alaska .

Ang iyong agarang pagtugon at kusang-loob na pagtulong ay nagpapatunay na ang pagiging drayber ay hindi lamang tungkol sa paghahatid ng mga pasahero, kundi pati na rin sa pagiging handang umalalay sa oras ng pangangailangan.

Nawa'y maging inspirasyon ang iyong magandang halimbawa sa kapwa drayber at sa buong komunidad. Maraming salamat sa iyong malasakit at dedikasyon sa paglilingkod.

Public Order and Safety Office - City of San Pedro
City Government of San Pedro

12/06/2026

Bumabati ang Pamahalaang Lungsod ng isang Maligayang Araw ng Kalayaan sa lahat ng mga Pilipino.

Ngayong ika-12 ng Hunyo, ating ginugunita ang pang-128 na taon ng tapang, pagkakaisa, at pagmamahal sa bayan ng mga Pilipinong nag-alay ng kanilang buhay para sa ating kasarinlan.

Nawa’y magsilbi itong paalala na ang tunay na kalayaan ay patuloy na pinapahalagahan sa pamamagitan ng pagkakaisa, malasakit, at aktibong pakikibahagi para sa mas maunlad na kinabukasan ng ating bayan.

26/05/2026

TRAFFIC ADVISORY | Lolo Uweng Grand Pasanan 2026

Bilang pasasalamat sa mga biyaya na kaloob ni Kristo Nazareno sa Santo Sepulcro at kaugnay ng pagdiriwang ng Maringal na Kapistahan ng ating minamahal na pintakasi, ang Mahal na Señor Lolo Uweng ng Landayan at Sampaguita Festival 2026, inaabisuhan ang lahat ng motorista at mamamayan na asahan ang pansamantalang pagsisikip ng daloy ng trapiko sa paligid ng Lolo Uweng Shrine at mga karatig na kalsada na daraanan ng prusisyon mula Landayan St., San Roque St., C. Anchoriz St. hanggang sa Cuyab Main Road bukas, ika-27 ng Mayo, 2026 simula ika-3:00 ng hapon hanggang matapos ang programa.

Pinapayuhan ang lahat na:
• Gumamit ng alternatibong ruta kung kinakailangan
• Maglaan ng mas mahabang oras sa biyahe
• Sumunod sa mga traffic personnel at marshals na nakatalaga sa lugar
• Maging mapagpasensya at makiisa para sa maayos at ligtas na pagdaraos ng aktibidad

"Sa bawat pasan, may kalakasan mula sa Diyos."

22/05/2026

Maligayang Kaarawan sa ating mapagmahal at masipag na Ama ng Lungsod, Mayor Art Joseph Francis Mercado! 🎉

​Saludo po kami sa iyong liderato na laging may malasakit at laging nakatutok sa kapakanan ng bawat mamamayan ng San Pedro. Nawa'y bigyan pa kayo ng Panginoon ng higit na lakas, kalusugan, at tagumpay sa lahat ng iyong mga mithiin para sa ating lungsod.

​Happy Birthday, Mayor Art! Mabuhay po kayo!

15/04/2026

Mga minamahal kong kababayan, lalo na po sa ating mga tricycle drivers—

Ipinaaalam po natin na magsisimula na ang pamamahagi ng fuel subsidy mula sa DSWD para sa ating mga kwalipikadong benepisyaryo. Matapos ang masusing pag-aayos at deduplication ng listahan, kabuuang 4,287 na drivers po ang mabibigyan ng tulong na ito.

📌 MAHALAGANG PAALALA:
Hindi po ito per barangay o per TODA. Ang payout ay alphabetical base sa apelyido, ayon sa payroll ng DSWD.

🗓 ISKEDYUL NG DISTRIBUTION:

DAY 1 – April 16, 2026
📍 Rosario Evacuation Center (Rosario Complex)
🔤 Apelyido: A hanggang I

DAY 2 – April 17, 2026
📍 City Hall Ground Floor
🔤 Apelyido: J hanggang Z

📄 Dalhin ang mga sumusunod:
• Driver’s License (original)
• Photocopy ng Driver’s License

📍 Magkakaroon din po ng Grievance Desk sa bawat payout site upang tugunan ang anumang concern o katanungan ng ating mga benepisyaryo.

Ang tulong na ito ay bahagi ng ating patuloy na pagsuporta sa hanapbuhay ng ating mga tsuper, lalo na sa gitna ng patuloy na pagtaas ng presyo ng langis.

Maraming salamat po sa inyong pakikiisa at pag-unawa. Sisikapin po nating maging maayos, mabilis, at patas ang distribusyon para sa lahat.

05/04/2026

PABATID SA PUBLIKO!

Para sa mga naghihintay ng update hinggil sa ayuda ng DSWD Fuel Subsidy, ang POSO–TRU ay kasalukuyan pang naghihintay ng opisyal na abiso kung kailan at saan ito ipamamahagi.

Inaanyayahan ang lahat na patuloy na subaybayan ang aming mga opisyal na post para sa mga susunod na anunsyo at updates.

Huwag magpapaniwala sa mga kumakalat na fake news o hindi beripikadong impormasyon.

Maraming salamat sa inyong pag-unawa.

23/03/2026

PAUNAWA SA PUBLIKO

​Nabatid ng aming tanggapan sa pamamagitan ng mga mensahe sa aming page na may ilang indibidwal na nagsasamantala sa pamamagitan ng ilegal na pagtataas ng pamasahe. Lubos naming ikinabahala ang ulat na ito.

​Para sa mga Driver ng Tricycle:

Wala pang inilalabas na abiso ang ating lungsod ukol sa pagtaas ng pamasahe. Ang FARE MATRIX na inaprubahan ng lokal na pamahalaan ang tanging dapat sundin.

​Para sa mga Mananakay:

Kung sakaling makaranas ng paniningil nang higit sa itinakdang pamasahe, mangyaring I-REPORT ang BODY NUMBER ng tricycle at ang TODA na kinabibilangan nito sa tanggapan ng POSO-TRU San Pedro

​Ang ilegal na pagtataas ng pamasahe ay hindi pinahihintulutan at ito ay malinaw na paglabag sa batas.

18/03/2026