Excise,Taxation,Transport & Narcotics Control Department Skardu

Excise,Taxation,Transport & Narcotics Control Department Skardu This department has been mandated to regulate transport,recovery of stolen vehicles & narcotics contr Duty - Honour - Compassion

#سکردو: آج بروز ہفتہ ۰۵ ستمبر ۲۰۲۶ کو کاؤنٹر نارکوٹکس ڈیپارٹمنٹ گلگت بلتستان اور سوشیو اکنامک اینڈ ایجوکیشن ڈویلپمنٹ ...
05/09/2026


#سکردو:
آج بروز ہفتہ ۰۵ ستمبر ۲۰۲۶ کو کاؤنٹر نارکوٹکس ڈیپارٹمنٹ گلگت بلتستان اور سوشیو اکنامک اینڈ ایجوکیشن ڈویلپمنٹ آرگنائزیشن (SEEDO) کے باہمی تعاون سے انسداد تمباکو نوشی کے حوالے سے ایک اہم آگاہی سیمینار سکردو میں منعقد ہوا۔

سیمینار میں سکردو شہر کے مختلف شعبہ ہائے زندگی سے تعلق رکھنے والی اہم شخصیات نے شرکت کی، جن میں ڈاکٹرز، ماہرینِ نفسیات، ماہرینِ تعلیم، ممبران نیشنل یوتھ اسمبلی پاکستان جی بی چیپٹر، سول سوسائٹی کے نمائندگان، وکلاء، طلباء اور کاؤنٹر نارکوٹکس فورس بلتستان ریجن کے افسران شامل تھے۔

سیمینار کے دوران مقررین نے تمباکو نوشی کے انسانی صحت، نوجوان نسل اور معاشرے پر مرتب ہونے والے مضر اثرات کے حوالے سے شرکاء کو آگاہ کیا اور تمباکو نوشی کی روک تھام کے لیے اجتماعی کوششوں کی ضرورت پر زور دیا۔

اس موقع پر ڈپٹی ڈائریکٹر کاؤنٹر نارکوٹکس ڈیپارٹمنٹ گلگت بلتستان، سید یاسر حسین نے انسدادِ تمباکو نوشی سے متعلق قوانین اور ان کے مؤثر نفاذ کے حوالے سے شرکاء کو اہم معلومات فراہم کیں۔ انہوں نے اس امر پر زور دیا کہ تمباکو نوشی اور منشیات کے استعمال کے تدارک کے لیے قانون کے مؤثر نفاذ کے ساتھ ساتھ عوامی آگاہی بھی انتہائی ضروری ہے۔

سیمینار کے اختتام پر شرکاء نے اس عزم کا اظہار کیا کہ نوجوان نسل کو تمباکو نوشی اور منشیات کی لعنت سے محفوظ رکھنے کے لیے ہر ممکن کوشش کی جائے گی اور اجتماعی جدوجہد کے ذریعے بلتستان ریجن کو تمباکو نوشی اور منشیات سے پاک معاشرہ بنانے میں اپنا بھرپور کردار ادا کیا جائے گا۔


Excise & Taxation, Zakat & Usher, Cooperatives and Transport Department GB
Counter Narcotics Directorate Gilgit-Baltistan

ایکسائز اینڈ ٹیکسیشن افسران کے بین الاضلاعی تبادلے، ایکسائز اینڈ ٹیکسیشن آفیسر گلگت ایکسائز اینڈ ٹیکسیشن آفیسر گانچ...
14/07/2026

ایکسائز اینڈ ٹیکسیشن افسران کے بین الاضلاعی تبادلے،
ایکسائز اینڈ ٹیکسیشن آفیسر گلگت ایکسائز اینڈ ٹیکسیشن آفیسر گانچھے جبکہ ایکسائز اینڈ ٹیکسیشن آفیسر ضلع کھرمنگ تعینات
نوٹیفکیشن جاری

10/07/2026

محکمہ ایکسائز اینڈ ٹیکسیشن، نارکوٹکس کنٹرول گلگت بلتستان اور قراقرم انٹرنیشنل یونیورسٹی کے شعبہ Psychology & Human Development کے تعاون سے نوعمروں میں منشیات کے استعمال پر جامع تحقیق مکمل

گلگت: محکمہ ایکسائز اینڈ ٹیکسیشن، نارکوٹکس کنٹرول گلگت بلتستان اور قراقرم انٹرنیشنل یونیورسٹی کے شعبہ Psychology & Human Development کے باہمی تعاون سے ضلع گلگت میں نوعمروں میں منشیات کے استعمال کے رجحانات پر ایک جامع تحقیقی مطالعہ مکمل کیا گیا ہے۔ اس تحقیق کا مقصد نوجوانوں میں منشیات کے استعمال کی شرح، اس کے اسباب اور خطرے کے عوامل کا سائنسی بنیادوں پر جائزہ لینا تھا تاکہ مؤثر انسدادِ منشیات پالیسیوں اور آگاہی پروگراموں کی تشکیل میں معاونت فراہم کی جا سکے۔
یہ تحقیق نادر حسین (گریجویٹ، نفسیات) نے ڈاکٹر صادق حسین، ڈین، فیکلٹی آف آرٹس اینڈ ہیومینیٹیز، قراقرم انٹرنیشنل یونیورسٹی کی نگرانی میں مکمل کی۔ تحقیق کے لیے ESPAD (2019) سوالنامے کے ذریعے ضلع گلگت کے 5,290 طلبہ سے معلومات حاصل کی گئیں۔
تحقیق کے نتائج کے مطابق 419 طلبہ (7.92 فیصد) نے کسی نہ کسی قسم کی منشیات کے استعمال کا اعتراف کیا۔ نتائج سے معلوم ہوا کہ منشیات کے استعمال کی شرح سیکنڈ ایئر کے طلبہ (39.6 فیصد) میں سب سے زیادہ رہی، جبکہ فرسٹ ایئر (27.7 فیصد) اور 18 سال عمر کے طلبہ (37.5 فیصد) بھی نمایاں طور پر متاثرہ گروہوں میں شامل تھے۔
تحقیق میں یہ بھی سامنے آیا کہ منشیات استعمال کرنے والوں میں 70.4 فیصد لڑکے جبکہ 29.6 فیصد لڑکیاں شامل تھیں۔ مزید برآں، نجی اعلیٰ ثانوی تعلیمی اداروں میں منشیات کے استعمال کی شرح 46.5 فیصد ریکارڈ کی گئی، جو دیگر اداروں کے مقابلے میں زیادہ تھی۔ تحقیق کے مطابق سگریٹ، ای-سگریٹ اور الکحل نوعمروں میں سب سے زیادہ استعمال ہونے والی اشیاء تھیں، جبکہ ان کے استعمال میں عمر کے ساتھ اضافہ بھی دیکھا گیا۔
محکمہ ایکسائز اینڈ ٹیکسیشن، نارکوٹکس کنٹرول گلگت بلتستان اور قراقرم انٹرنیشنل یونیورسٹی کے شعبہ Psychology & Human Development نے اس تحقیق کو نوجوان نسل کو منشیات کی لعنت سے محفوظ رکھنے کی جانب ایک اہم پیش رفت قرار دیتے ہوئے اس عزم کا اظہار کیا کہ تحقیق کے نتائج کی روشنی میں تعلیمی اداروں میں آگاہی مہمات، نفسیاتی معاونت، والدین کی رہنمائی اور شواہد پر مبنی انسدادِ منشیات پروگراموں کو فروغ دیا جائے
دونوں اداروں نے اس بات پر زور دیا کہ نوجوانوں کو منشیات سے محفوظ رکھنے کے لیے محکمہ تعلیم، محکمہ صحت، قانون نافذ کرنے والے اداروں، والدین، اساتذہ اور سول سوسائٹی کے درمیان مؤثر اشتراک ناگزیر ہے۔ تحقیق کے نتائج مستقبل میں پالیسی سازی، انسدادِ منشیات حکمتِ عملی اور تعلیمی اداروں میں احتیاطی اقدامات کو مزید مؤثر بنانے میں اہم کردار ادا کریں گے۔

ترجمان ایکسائز اینڈ ٹیکسیشن و نارکوٹکس کنٹرول گلگت بلتستان سید توقیر عباس رضوی

مورخہ:- 09 جولائی 2026ایکسائز پولیس ضلع شگر کی طرف سے نئے کرایہ نامے پر عمل درآمد کو یقینی بنانے کے لیے سخت کارروائی کا...
09/07/2026


مورخہ:- 09 جولائی 2026

ایکسائز پولیس ضلع شگر کی طرف سے نئے کرایہ نامے پر عمل درآمد کو یقینی بنانے کے لیے سخت کارروائی کا عمل جاری ہے۔

اس سلسلے میں آج شگر سنٹر سے سکردو، اور اسکولی ، اپو علی گون ، حوطو، سیسکو، تسر، اور دیگر وادیوں سے سکردو جانے والی پبلک ٹرانسپورٹ گاڑیوں کی چیکنگ کی۔ دورانِ چیکنگ مسافروں سے وصول کیا گیا زائد کرایہ موقع پر ہی مسافروں کو واپس کرایا گیا، جبکہ خلاف ورزی کے مرتکب متعدد گاڑیوں کو ایکسائز وئیر ہاوس میں بند کیا گیا۔آج کی اس فیلڈ سرگرمی کو اسسٹنٹ کمشنر شگر فیصل حیات گوندل صاحب نے خود معائنہ کیا اور مسافروں سے ان کے مسائل سنے اور موقع پر ضروری ہدایات جاری کیں۔
انہوں نے گاڑی مالکان کوسختی سے تنبیہ کی کہ آئندہ سے زائد کرایہ وصول کرنے سے باز رہے، بصورتِ دیگر دوبارہ خلاف ورزی کی صورت میں متعلقہ گاڑیوں کو نہ صرف بند کیا جائے گا بلکہ ان کا روٹ پرمٹ بھی کینسل کر دیا جائے گا۔

سکردو تا راولپنڈی نیا کرایہ نامہ
08/07/2026

سکردو تا راولپنڈی نیا کرایہ نامہ

سکردو تا گلگت نیا کرایہ نامہ
08/07/2026

سکردو تا گلگت نیا کرایہ نامہ

مورخہ:- 8 جولائی 2026ایکسائز پولیس ضلع شگر نے نئے کرایہ نامے پر عمل درآمد کو یقینی بنانے کے لیے سخت کارروائی کا آغاز کر...
08/07/2026


مورخہ:- 8 جولائی 2026

ایکسائز پولیس ضلع شگر نے نئے کرایہ نامے پر عمل درآمد کو یقینی بنانے کے لیے سخت کارروائی کا آغاز کر دیا ہے۔

اس سلسلے میں شگر سینٹر سے سکردو، سکردو سے باشہ، آرندو، اسکولی، حوطو، سیسکو، گلاب پور، الچوڑی، یونو ، اپو علی گون اور دیگر وادیوں تک جانے والی پبلک ٹرانسپورٹ گاڑیوں کی چیکنگ کی گئی۔ دورانِ چیکنگ مسافروں سے وصول کیا گیا زائد کرایہ موقع پر ہی واپس کروایا گیا، جبکہ خلاف ورزی کی مرتکب گاڑیوں پر جرمانے بھی عائد کیے گئے۔

اس کے ساتھ گاڑی مالکان کو سختی سے تنبیہ کی گئی کہ آئندہ زائد کرایہ وصول کرنے سے گریز کریں، بصورتِ دیگر دوبارہ خلاف ورزی کی صورت میں متعلقہ گاڑیوں کو بند کر دیا جائے گا اور قانون کے مطابق مزید سخت کارروائی عمل میں لائی جائے گی۔

کرایہ برائے اندرون شگر ( واگہ کار، کیری بولان وغیرہ)
06/07/2026

کرایہ برائے اندرون شگر ( واگہ کار، کیری بولان وغیرہ)

کرایہ نامہ برائے ضلع شگر تا ضلع سکردو ( واگہ کار/ کیری بولان وغیرہ)
06/07/2026

کرایہ نامہ برائے ضلع شگر تا ضلع سکردو ( واگہ کار/ کیری بولان وغیرہ)

کرایہ نامہ برائے ضلع شگر کےٹو روٹ ویلیز تا سکردو جیل گارڈ
06/07/2026

کرایہ نامہ برائے ضلع شگر کےٹو روٹ ویلیز تا سکردو جیل گارڈ

Address

Excise & Taxation Department Skardu Near MP Checkpost Hussainabad
Skardu

Telephone

05815920990

Website

Alerts

Be the first to know and let us send you an email when Excise,Taxation,Transport & Narcotics Control Department Skardu posts news and promotions. Your email address will not be used for any other purpose, and you can unsubscribe at any time.

Shortcuts

Share