https://www.facebook.com/103054601967129/

Knowledge Bee, Singapore (2026)

16/10/2026

တကမ္ဘာလုံးကို အံအောမှင်သက်စေတဲ့ အီလွန်ရဲ့ တယ်စ်တာ မိုးပျံကားသစ်ကြီးက ဘယ်လောက်ထိ မိုက်ပြီး ဘယ်စျေးနဲ့ဝယ်ယူရနိုင်မလဲ ကြည့်လိုက်ကြရအောင်ပါ

#မိုးပျံကား

19/08/2026

ရုပ်ထွက်ညံ့တာကြောင့် ပရိသတ်ကြား ရေပန်းစားပြီး စံချိန်တင် ရုံဝင်ငွေရသွားတဲ့ တရုတ် အန်နီမေးရှင်းကား Niu Lai

ဒေါ်လာ ၂၀၀ ကျော်ပဲ အကုန်ကျခံထားပြီး အိပ်မက်ကမ္ဘာထဲက နွားတစ်ကောင်အကြောင်း ရိုက်ထားတဲ့ ဘတ်ဂျက်နည်း အန်နီမေးရှင်းကား Niu Lai ဟာ ဇာတ်အိမ်ကလည်း ရှုပ်၊ ရုပ်ထွက်ကလည်း စုတ်ပြတ်နေလို့ လူမှုကွန်ရက်ပေါ်မှာ ရုတ်တရက် နာမည်ကြီးသွားပြီး လက်မှတ်ရောင်းအားတွေ ထိုးတက်သွားခဲ့ပါတယ်။

ရုံစတင်ပြသတဲ့ ပထမ ၁၀ ရက်မှာ ယွမ် ၇,၇၀၅ (ဒေါ်လာ ၁,၁၄၀) ပဲ ရခဲ့ပေမဲ့ အခုဆို ယွမ် ၁၁.၄ သန်းကျော်အထိ ရနေပါပြီ။ ဒါဟာ The Odyssey နဲ့ Spider Man: Brand New Day လို ဟောလိဝုဒ် ရုပ်ရှင်ကြီးတွေကိုတောင် တန်းတူ ယှဉ်ပြိုင်နေနိုင်တဲ့ သဘောပါ။

"ဒီကား ကြည့်လိုက်ရင် မိနစ် ၈၀ စာ နောင်တရလိမ့်မယ်၊ မကြည့်ရရင်တော့ တစ်သက်လုံး နောင်တရနေမှာ" လို့ ရေပန်းစားနေတဲ့ ပို့စ်တစ်ခုမှာ ရေးထားပါတယ်။

တချို့ ဆိုရှယ်မီဒီယာသုံးသူတွေကလည်း ဒီကားကို အခုတလော Feed တွေမှာ ပလူပျံနေတဲ့ AI ဖန်တီးမှုအညံ့စားတွေကို ထိုးနှက်လိုက်တဲ့ ဆေးတစ်ခွက်အဖြစ် တင်စားကြပါတယ်။

အန်နီမေးရှင်း အရည်အသွေး စုတ်ပြတ်နေတာကိုပဲ "လက်ရာမြောက် ဖန်တီးမှု" လို့ နောက်ပြောင်ရေးကြပြီး၊ ဒါဟာ ဖန်တီးသူတွေ AI မသုံးထားကြောင်း သက်သေပဲဆိုပြီး ဗီဒီယိုတိုလေးတွေ မျှဝေနေကြတာပါ။

"တကယ့် လက်ရာအစစ်ပဲ" လို့ Weibo သုံးသူတစ်ယောက်က ရေးထားသလို၊ နောက်တစ်ယောက်ကလည်း "စစ်မှန်တဲ့ ဖန်တီးမှု" လို့ ခေါ်ပြီး ဒီနွေရာသီရဲ့ အံ့ဩစရာကောင်းလောက်အောင် ထင်မှတ်မထားဘဲ အောင်မြင်လာတဲ့ကားလို့ ပြောပါတယ်။

Niu Lai ဟာ စတင်ရိုက်ကူးစဉ်ကတည်းက ဘတ်ဂျက်နည်းနည်းနဲ့ ရိုးရှင်းတဲ့ ဖန်တီးမှုဖြစ်ပြီး ဒီလဆန်းပိုင်း ရုံမတင်ခင်အထိ ကြော်ငြာတာမျိုး လုံးဝနီးပါး မရှိခဲ့ပါဘူး။

ဒါပေမဲ့ အခုတော့ ပရိသတ်တွေ အရမ်းတောင်းဆိုလာလို့ ရုပ်ရှင်ရုံတွေက ပြသတဲ့ပွဲစဉ်တွေပါ တိုးပေးနေရပါတယ်။ ကြော်ငြာပိုစတာတောင် သေချာမရှိတာမို့ ရုပ်ရှင်ရုံ ဝန်ထမ်းတွေခမျာ ပရိသတ်တွေကို ဆွဲဆောင်ဖို့ ပိုစတာတွေကို ကိုယ်တိုင် လက်နဲ့လိုက်ဆွဲနေရပါတယ်။ ကိုယ်တိုင်အဆင်ပြေသလို ဆွဲထားတာမို့ ပိုစတာတွေကလည်း ရုပ်ရှင်ရုံတစ်ရုံနဲ့တစ်ရုံ မတူကြပါဘူး။

Weibo အကောင့်တစ်ခုက "ဒီလိုစံချိန်မျိုး ကမ္ဘာပေါ်မှာ မရှိဖူးသေးသလို နောက်လည်း ရှိလာတော့မှာ မဟုတ်ဘူး" လို့ မှတ်ချက်ပေးထားပါတယ်။

ဒါပေမဲ့ ဒီလို မထင်မှတ်ထားတဲ့ အောင်မြင်မှုကို လူတိုင်းက ဝမ်းသာနေကြတာတော့ မဟုတ်ပါဘူး။ စနေ၊ တနင်္ဂနွေမှာ အစိုးရပိုင် Beijing News ရဲ့ ဝေဖန်ရေးဆောင်းပါးတစ်ခုမှာ ရုပ်ရှင်ရုံတွေအနေနဲ့ Niu Lai လိုကားမျိုးကို ပွဲစဉ်တွေ တိုးပြပြီး စံချိန်စံညွှန်းတွေ လျှော့ချနေရင် ကြည့်ရှုသူတွေရဲ့ ယုံကြည်မှုကို ဆုံးရှုံးရလိမ့်မယ်လို့ သတိပေးထားပါတယ်။

အရင်က အရည်အသွေးညံ့လို့ လှောင်ပြောင်ခံခဲ့ရတဲ့ ရုပ်ရှင်တွေကို ကိုးကားပြီး Niu Lai ဟာ ညံ့ဖျင်းတဲ့ ရုပ်ရှင်တွေအပေါ် ပရိသတ်ရဲ့ မျှော်လင့်ချက် စံနှုန်းကို နောက်တစ်ကြိမ် ထပ်လျှော့ချလိုက်တာပဲလို့ Beijing News က ဝေဖန်ထားပါတယ်။

ဒါ့အပြင် ရုပ်ရှင်ရုံတွေကို ပရိသတ်အတွက် အဓိက စစ်ဆေးပေးသူအဖြစ် ဆောင်ရွက်ကြဖို့နဲ့ Niu Lai လို သောင်းကျန်းနေတဲ့ ကားတွေကို လွှတ်ထားမယ့်အစား စံချိန်စံညွှန်း မမီတာ သေချာရင် ငြင်းပယ်ကြဖို့ တိုက်တွန်းထားပါတယ်။

Niu Lai ရုပ်ရှင်ကို လူနှစ်ယောက်က အချိန် ၅ နှစ်ကြာ ဖန်တီးထားတာဖြစ်ပါတယ်။ ဒေါ်လာ ၂၀၀ ပဲ အကုန်ကျခံထားပေမဲ့ လက်ရှိမှာ ရုံဝင်ငွေ ဒေါ်လာ ၂.၁ သန်းကျော် ပြန်ရထားပြီးဖြစ်ပါတယ်။

15/08/2026

ဘားမဖွင့်ခင်ကတည်းက တနေ့လုံးသောက်ပြီး ပိုက်ဆံမရှင်းတဲ့ သြစတြေးလျနိုင်ငံသားကို ရဲတိုင်ခဲ့တဲ့ ဘားပိုင်ရှင်

ထိုင်းနိုင်ငံ၊ ပတ်တယားမြို့ ဘားပိုင်ရှင် အမျိုးသမီးတစ်ယောက်က သြစတြေးလျ ကမ္ဘာလှည့်ခရီးသွားတစ်ယောက် ၁၃ နာရီကြာ သောက်စားပြီးနောက် ဘတ် ၃၂,၅၄၀ (အမေရိကန်ဒေါ်လာ ၉၈၀ ခန့်) ကျသင့်တဲ့ ဘေလ်ကို ပေးချေဖို့ ငြင်းဆန်ခဲ့တာကြောင့် ရဲစခန်းခေါ်လာပြီး ရဲအရာရှိတွေက ကြားဝင်ညှိနှိုင်းပေးခဲ့ရပါတယ်။

ပတ်တယားမြို့၊ Soi Bua Khao မှာရှိတဲ့ ဘားပိုင်ရှင် အသက် ၄၆ နှစ်အရွယ် ထိုင်းအမျိုးသမီး မီလီယာနဲ့ ဝန်ထမ်းတွေဟာ အသက် ၅၃ နှစ်အရွယ် သြစတြေးလျနိုင်ငံသား မစ္စတာ သွန်ဆန်ကို မပေးချေရသေးတဲ့ သောက်စရာဘေလ်တွေနဲ့ ပတ်သက်ပြီး သြဂုတ်လ ၁၂ ရက် (ဗုဒ္ဓဟူးနေ့) ည ၁၁ နာရီခွဲခန့်မှာ မြို့နယ်ရဲစခန်းကို ခေါ်ဆောင်လာခဲ့တာပါ။

အဆိုပါ သြစတြေးလျနိုင်ငံသားဟာ မနက် ၈ နာရီခန့် ဘားမဖွင့်မီအချိန်ကတည်းက ရောက်ရှိလာပြီး သောက်စရာတွေ မှာယူခဲ့ကြောင်း ဝန်ထမ်းတွေက ရဲတပ်ဖွဲ့ကို ပြောခဲ့ပါတယ်။

မီလီယာနဲ့ ဝန်ထမ်းတွေဟာ သူ့ကို ပုံမှန်ဖောက်သည်တစ်ယောက်ဖြစ်ပြီး ယခင်ကလည်း ပိုက်ဆံ ပုံမှန်ရှင်းပေးလေ့ရှိသူဖြစ်တာကြောင့် သူ့အတွက် ဘားကို သီးသန့်စောစီးစွာ ဖွင့်ပေးခဲ့တာပါ။

သောက်စားနေစဉ်အတွင်း သွန်ဆန်ဟာ အမျိုးသမီးဝန်ထမ်း အတော်များများကို သဘောကျခဲ့ပြီး သဘောကျတဲ့ ဝန်ထမ်းတွေကို သောက်စရာတွေ ဝယ်ပေးခဲ့ပါတယ်။ ထို့အပြင် ဘားမှာရှိတဲ့ ခေါင်းလောင်းကိုတီးပြီး ဝန်ထမ်းအားလုံးကို ဧည့်ခံကျွေးမွေးခဲ့တာကြောင့် ဝန်ထမ်းအများအပြား လာရောက်ပူးပေါင်းခဲ့ကြပါတယ်။

ဝန်ထမ်းတွေရဲ့ အဆိုအရ ၎င်းဟာ နောက်ပိုင်းမှာ အမျိုးသမီးဝန်ထမ်းတစ်ယောက်နဲ့ ရင်းနှီးသွားပြီး အပြင်ထွက်ဖို့ ခေါ်ဆောင်ခဲ့ကြောင်း သိရပါတယ်။ ထိုအမျိုးသမီးက ငြင်းဆန်ခဲ့တာကြောင့် ၎င်းက မကျေမနပ်ဖြစ်ပြီး သောက်စရာဘေလ်တွေကို ပေးချေဖို့ ငြင်းဆန်ခဲ့တာပါ။

ဘားပိုင်ရှင်က အဆိုပါကျသင့်ငွေဟာ ၎င်းတစ်ယောက်တည်း သောက်သုံးခဲ့တာကြောင့် မဟုတ်ဘဲ တစ်နေကုန် ဝန်ထမ်းတွေအတွက် ဝယ်ပေးခဲ့တဲ့ သောက်စရာတွေပါ အပါအဝင်ဖြစ်ကြောင်း ရှင်းပြပြီး ကျသင့်ငွေ ဘတ် ၃၂,၅၄၀ ကို အပြည့်အဝ ရှင်းပေးဖို့ တောင်းဆိုခဲ့ပါတယ်။

မီလီယာက ဘားကို မနက် ၈ နာရီမှစပြီး ည ၉ နာရီခန့်အထိ ၁၃ နာရီကြာ ဖွင့်လှစ်ပေးခဲ့ရပြီး သောက်စရာတွေရဲ့ ကုန်ကျစရိတ်နဲ့ ဝန်ထမ်းစရိတ်တွေကိုလည်း စိုက်ထုတ်ထားရကြောင်း ပြောခဲ့ပါတယ်။

မီလီယာက သဘောတူညီမှု မရရှိနိုင်တာကြောင့် အဆိုပါ နိုင်ငံခြားသားကို ရဲတွေ ကြားဝင်ညှိနှိုင်းပေးနိုင်ဖို့ ရဲစခန်းကို ခေါ်ဆောင်လာရတာလို့ ဆိုပါတယ်။

စုံစမ်းစစ်ဆေးသူတွေက နှစ်ဖက်လုံးကို ဆွေးနွေးဖို့ တိုက်တွန်းခဲ့ပါတယ်။ ဘားပိုင်ရှင်က စုစုပေါင်း ဘတ် ၃၂,၅၄၀ ရရှိဖို့ တောင်းဆိုခဲ့သော်လည်း သွန်ဆန်က ကျသင့်ငွေဟာ ထိုမျှမရှိနိုင်ဘူးလို့ အကြောင်းပြပြီး တောင်းဆိုထားတဲ့ ပမာဏကို ပေးချေဖို့ ငြင်းဆန်ခဲ့ပါတယ်။

ရဲအရာရှိတွေက အရေးယူဆောင်ရွက်မှုတွေ မပြုလုပ်မီ ဘေလ်အသေးစိတ်နဲ့ နှစ်ဖက်စလုံးရဲ့ ထွက်ဆိုချက်တွေကို စစ်ဆေးသွားမယ်လို့ သတင်းထုတ်ပြန်ခဲ့ပါတယ်။

15/08/2026

မလေးရှားအမျိုးသမီးတစ်ယောက်ရဲ့ ပါဆယ်ထုပ်ကို မျောက်ခိုးယူသွားတာကို ဒလီသမားက သက်သေအဖြစ် ဗီဒီယိုရိုက်ပို့

မှာထားတဲ့ ပါဆယ်ထုပ် မရရှိခဲ့ရင် မျောက်ခိုးယူသွားတာ ရှိ၊ မရှိ စစ်ဆေးကြည့်သင့်ပါတယ်။

မလေးရှားအမျိုးသမီးတစ်ယောက်ရဲ့ ပါဆယ်ထုပ်ဟာ အိမ်အရောက်ပို့ဆောင်ပြီး မကြာမီမှာပင် မျောက်တစ်ကောင်ရဲ့ ခိုးယူတာကို ခံခဲ့ရပါတယ်။

Sofia Yannie Shaza Shaeidin ဆိုသူဟာ အဆိုပါဖြစ်စဉ်ကို ဩဂုတ် ၈ ရက် က Threads မှာ ပို့စ်တင်ခဲ့ပြီး ဖြစ်ပျက်ခဲ့တာတွေကို ရှင်းပြထားတဲ့ ပို့ဆောင်သူနဲ့ ပြောဆိုထားတဲ့ စခရင်ရှော့ကိုပါ ပူးတွဲဖော်ပြခဲ့ပါတယ်။

ပစ္စည်းပို့ဆောင်သူက Shaza ရဲ့ ပါဆယ်ထုပ်ကို ခြံတံခါးအတွင်းမှာ သေချာထားခဲ့ပြီးမှ ပြန်လည်ထွက်ခွာခဲ့တာဖြစ်ကြောင်း ပြောကြားခဲ့ပါတယ်။

ဒါပေမဲ့လည်း ပြန်ဖို့ပြင်နေတုန်းမှာပဲ အိမ်အတွင်းက ထွက်လာတဲ့ မျောက်တစ်ကောင်က ပါဆယ်ထုပ်ကို ယူဆောင်သွားတာကို တွေ့ရှိခဲ့ရတာဖြစ်ပါတယ်။

ဒါကြောင့် ပစ္စည်းပို့ဆောင်သူက အဆိုပါသတ္တဝါ ပါဆယ်ထုပ်ကို သယ်ဆောင်သွားတဲ့ ဗီဒီယိုကို ရိုက်ကူးကာ Shaza ထံ ပေးပို့ခဲ့ပါတယ်။

ရိုက်ကူးထားတဲ့ ဗီဒီယိုမှတ်တမ်းမှာ မျောက်ဟာ အိမ်ခေါင်မိုးပေါ်မှာ ပါဆယ်ထုပ်နဲ့ ထိုင်နေပြီးနောက် ပါးစပ်နဲ့ ကိုက်ကာ ထွက်ပြေးသွားတာကို တွေ့ရပါတယ်။

အသက် ၂၁ နှစ်အရွယ် Shaza က အဆိုပါဖြစ်စဉ်ဟာ စနေနေ့ မွန်းလွဲ ၃ နာရီခန့်မှာ ဖြစ်ပွားခဲ့တာဖြစ်ကြောင်း AsiaOne ကို ပြောကြားခဲ့ပါတယ်။

"ဒါမျိုး ဖြစ်လာမယ်လို့ ဘယ်တုန်းကမှ မမျှော်လင့်ထားတာမို့ စသိလိုက်ရတုန်းက တကယ်ပဲ ဇဝေဇဝါ ဖြစ်သွားခဲ့တယ်။ ပထမတော့ ပါဆယ်ထုပ်အတွက် စိတ်ပူသွားပေမဲ့ ပစ္စည်းပို့တဲ့သူက ဗီဒီယိုပို့ပေးလိုက်တော့ ရယ်စရာကြီး ဖြစ်နေတာနဲ့ မရယ်ဘဲ မနေနိုင်တော့ဘူး" လို့ သူမက ဆိုပါတယ်။

အဲဒီ ပါဆယ်ထုပ်အတွင်းမှာ Cubre Mi အမှတ်တံဆိပ် eyeshadow palette ပါဝင်တယ်လို့ သိရပြီး သူမရဲ့ Threads ပို့စ်ဟာ လက်ရှိမှာ like ၁၀,၀၀၀ ကျော်နဲ့ မျှဝေသူ ၂,၈၀၀ ကျော် ရရှိထားပါတယ်။

14/08/2026

🇹🇭💸 ထိုင်းနိုင်ငံကို ဝင်ရောက်ဖို့ ဘတ် ၄၅၀ ပေးမလား။

ထိုင်းနိုင်ငံဟာ လေကြောင်းကနေ လာရောက်မယ့် နိုင်ငံခြားသား ကမ္ဘာလှည့်ခရီးသွားတွေကို တစ်ခေါက်ကို ခရီးသွားကြေး ဘတ် ၄၅၀ ကောက်ခံဖို့ အစီအစဉ်ကို ဆက်လက် အကောင်အထည်ဖော်နေပါတယ်။

ဒီကြေးကို ၂၀၂၇ ခုနှစ် ဧပြီလလောက်မှာ စတင်ကောက်ခံနိုင်ပါတယ်။

ရရှိလာမယ့် ငွေကြေးတွေကို ခရီးသွားတွေရဲ့ ဘေးကင်းလုံခြုံရေး၊ ခရီးသွားကဏ္ဍ ဖွံ့ဖြိုးတိုးတက်ရေးနဲ့ ထိုင်းနိုင်ငံကို မြှင့်တင်ရေးတို့အတွက် ရည်ရွယ်ထားတဲ့ ခရီးသွားလုပ်ငန်း ရန်ပုံငွေထဲ ထည့်ဝင်သွားမှာ ဖြစ်ပါတယ်။

ဘတ် ၄၅၀ ကောက်ခံတာက ထိုင်းနိုင်ငံ ကို လည်ပတ်ဖို့ သင့်ရဲ့ ဆုံးဖြတ်ချက်ကို ပြောင်းလဲသွားစေမလား။ 👇

31/07/2026

အင်ဒိုနီးရှားနိုင်ငံ၊ မာလူကူမြောက်ပိုင်းမှာ ပါတီပွဲကအပြန် အသက် ၃၅ နှစ်အရွယ် အမျိုးသားတစ်ဦးကို ၂၃ ပေခန့်ရှိတဲ့ ဧရာမ စပါးအုံးမြွေကြီးက မျိုသွားခဲ့တဲ့ ထိတ်လန့်စရာ ကြေကွဲဖွယ် ဖြစ်စဉ်တစ်ခု ဖြစ်ပွားခဲ့ပါတယ်။

ဖြစ်စဉ်မှာ အဆိုပါ အမျိုးသားဟာ ရွာထဲက ပါတီပွဲတစ်ခုကို သွားရောက်ခဲ့ပြီး အပြန် မနက် ၃ နာရီခန့်မှာ တောလမ်းအတိုင်း အိမ်ကို တစ်ယောက်တည်း ပြန်လာခဲ့တာပါ။

အဲဒီနောက် မွန်းလွဲပိုင်းအထိ အိမ်ပြန်မရောက်လာသေးတာကြောင့် စိုးရိမ်ပြီး မိသားစုနဲ့ ရွာသားတွေက လိုက်လံရှာဖွေကြရာ လမ်းမှာ သွေးစက်တွေနဲ့အတူ သူ့ရဲ့ ကျောပိုးအိတ်နဲ့ ဖိနပ်တို့ကိုသာ ပထမဦးစွာ တွေ့ရှိခဲ့ကြပါတယ်။

ရှာဖွေရေးကို ဆက်လက်ပြုလုပ်စဉ်မှာတော့ တောအုပ်အတွင်း ဗိုက်ကြီး မသင်္ကာဖွယ်ရာ စူဖောင်းနေတဲ့ စပါးအုံးမြွေကြီးတစ်ကောင်ကို တွေ့ရှိခဲ့ကြတာပါ။

ဒါကြောင့် ရွာသားတွေက မြွေကို ဖမ်းဆီးပြီး ဗိုက်ခွဲကြည့်လိုက်ချိန်မှာတော့ ပျောက်ဆုံးနေတဲ့ အမျိုးသားရဲ့ ရုပ်အလောင်းကို ဝမ်းနည်းဖွယ် တွေ့ရှိခဲ့ရပါတယ်။

ကျွမ်းကျင်သူတွေရဲ့ သုံးသပ်ချက်အရ စပါးအုံးမြွေဟာ ထိုအမျိုးသားရဲ့ ခြေထောက်ကို စတင်ကိုက်ခဲလိုက်ပြီး အရှိန်နဲ့ ခန္ဓာကိုယ်တစ်ခုလုံးကို ရစ်ပတ်ကာ အသက်ရှူကျပ်အောင် ပြုလုပ်ပြီးမှ တစ်ကိုယ်လုံးကို မြိုချလိုက်တာဖြစ်နိုင်တယ်လို့ ဆိုပါတယ်။

အင်ဒိုနီးရှားဟာ တောတောင်ထူထပ်ပြီး ဧရာမ စပါးအုံးမြွေကြီးတွေ ကျက်စားရာ ဒေသဖြစ်တာကြောင့် သက်ဆိုင်ရာ ဒေသခံရဲတပ်ဖွဲ့က တောလမ်းတွေနဲ့ ခြံစိုက်ခင်းတွေထဲ တစ်ယောက်တည်း သွားလာတာမျိုး မပြုလုပ်ကြဖို့ သတိပေးထားပါတယ်။

အဲဒီဒေသမှာပဲ မကြာသေးမီ လများအတွင်းက စပါးအုံးမြွေ တိုက်ခိုက်လို့ လူသေဆုံးမှုတွေ ခဏခဏ ဖြစ်ပွားခဲ့တာပါ။

တောရိုင်းတိရစ္ဆာန် ကျွမ်းကျင်သူတွေကလည်း စပါးအုံးမြွေတွေဟာ အဆိပ်မရှိပေမဲ့ သားကောင်ကို အရိုးတွေကြေပြီး အသက်ရှူရပ်အောင် ညှစ်သတ်နိုင်တဲ့ စွမ်းအားရှိတာကြောင့် တောတောင်ထူထပ်တဲ့ နေရာတွေကို သွားလာရာမှာ အထူးဂရုစိုက်ကြဖို့ တိုက်တွန်းထားပါတယ်။

30/07/2026

ဗီယက်နမ်မှာ ဦးနှောက်သေဆုံးသူရဲ့ အင်္ဂါကို သုံးပြီး ပထမဆုံး လိင်အင်္ဂါအစားထိုး ခွဲစိတ်မှု အောင်မြင်စွာ ပြုလုပ်

ဟနွိုင်းမြို့ရှိ Viet Duc တက္ကသိုလ်ဆေးရုံမှာ ဦးနှောက်သေဆုံးသူဆီက ရရှိတဲ့ အင်္ဂါကို အသုံးပြုပြီး ဗီယက်နမ်ရဲ့ ပထမဆုံး လိင်အင်္ဂါအစားထိုး ခွဲစိတ်မှုကို အောင်မြင်စွာ ပြုလုပ်နိုင်ခဲ့ကြောင်း ဗုဒ္ဓဟူးနေ့မှာ ထုတ်ပြန်လိုက်ပါတယ်။

ခွဲစိတ်ကုသမှုခံယူသူဟာ အသက် ၄၃ နှစ်အရွယ် အမျိုးသားတစ်ဦးဖြစ်ပြီး မကြာမီက အဆိုပါဆေးရုံမှာ လိင်အင်္ဂါအစိတ်အပိုင်းအချို့ ဖြတ်တောက်ကုသမှု ခံယူထားသူဖြစ်ပါတယ်။

၄ နှစ်ကြာ ကုသအပြီးမှာ ကျန်းမာရေးပြန်ကောင်းလာပေမဲ့ ကျန်ရှိတဲ့အပိုင်းက တိုလွန်းတာကြောင့် လိင်ပိုင်းဆိုင်ရာ အဆင်မပြေမှုတွေဖြစ်ပြီး စိတ်ပိုင်းဆိုင်ရာနဲ့ လူနေမှုဘဝကို အကြီးအကျယ် ထိခိုက်ခဲ့ရပါတယ်။

ဆီးသွားနိုင်စွမ်းရှိသေးပေမဲ့ အင်္ဂါပုံစံနဲ့ လုပ်ဆောင်ချက်တွေ ပြန်ကောင်းလာဖို့၊ ပုံမှန်ဘဝအတိုင်း ပြန်နေနိုင်ဖို့ အအစားထိုးခွဲစိတ်မှု လုပ်ချင်ခဲ့တာပါ။ ဆေးရုံက အထူးကုအဖွဲ့ဟာ လူနာရဲ့ ကိုယ်ခံအား၊ စိတ်ဓာတ်ပိုင်းနဲ့ စည်းကမ်းချက်တွေကို သေချာစစ်ဆေးအကဲဖြတ်ပြီးမှ အစားထိုးဖို့ ဆုံးဖြတ်ခဲ့ကြပါတယ်။

ခွဲစိတ်မှုအတွင်း ဆရာဝန်တွေဟာ ဆီးပြွန်၊ သွေးကြောနဲ့ နာဗ်ကြောသေးသေးလေးတွေကို အဏုကြည့်မှန်ဘီလူးသုံးပြီး တိကျစွာ ပြန်ဆက်ပေးခဲ့ပါတယ်။ အင်္ဂါအစားထိုးမှုဆိုင်ရာ ခေတ်မီနည်းလမ်းတွေ၊ ပဋိပစ္စည်းငြင်းပယ်မှု ထိန်းချုပ်ဆေးတွေနဲ့ သွေးလှည့်ပတ်မှု စောင့်ကြည့်စစ်ဆေးတာတွေကိုပါ စနစ်တကျ လုပ်ဆောင်ခဲ့ကြတာပါ။

ကမ္ဘာပေါ်မှာ ဒီလို လိင်အင်္ဂါအစားထိုးမှုမျိုး အရင်က ၅ ကြိမ်ပဲ သတင်းထုတ်ပြန်ဖူးပြီး နောက်ဆုံးပြုလုပ်ခဲ့တာက ၂၀၁၈ ခုနှစ်မှာ ဖြစ်ပါတယ်။ လိင်အင်္ဂါဟာ အစားထိုးဖို့ ခက်ခဲပြီး အင်္ဂါရှင်သန်ရုံတင်မကဘဲ ဆီးသွားတာ၊ ခံစားမှုရတာနဲ့ ထောင်မတ်နိုင်တာတွေကိုပါ ပြန်ရအောင် လုပ်ဆောင်ပေးရတာပါ။

လက်ရှိမှာတော့ လူနာရဲ့ ဒဏ်ရာကျက်နှုန်း ကောင်းမွန်နေပြီး စောစီးစွာဖြစ်တတ်တဲ့ နောက်ဆက်တွဲပြဿနာတွေ မတွေ့ရသေးပါဘူး။ ဆီးသွားနိုင်စွမ်းနဲ့ ဆေးတုံ့ပြန်မှုတွေကိုတော့ ထပ်မံစောင့်ကြည့်နေဆဲ ဖြစ်ပါတယ်။

အာရုံခံစားမှုနဲ့ အခြားလုပ်ဆောင်ချက်တွေ အပြည့်အဝ ပြန်ရဖို့ အချိန်ယူရဦးမှာဖြစ်ပေမဲ့ ဒီအောင်မြင်မှုဟာ ကင်ဆာ၊ ထိခိုက်ဒဏ်ရာနဲ့ မတော်တဆမှုတွေကြောင့် လိင်အင်္ဂါဆုံးရှုံးထားရသူတွေအတွက် မျှော်လင့်ချက်အသစ် ဖြစ်လာစေခဲ့ပါတယ်။

30/07/2026

အမေရိကန်မှာ ရေနစ်နေတဲ့ ၁၀ နှစ်ရွယ် ကလေးကို အသက်စွန့်ကယ်ခဲ့တဲ့ ၁၆ နှစ်အရွယ် လူငယ်ကို သမ္မတထရမ့် ဂုဏ်ပြုမယ်

အမေရိကန်၊ ကယ်လီဖိုးနီးယားပြည်နယ် Santa Cruz မြို့က ကမ်းခြေမှာ ဇူလိုင် ၂၅ ရက်နေ့က ရေနစ်နေတဲ့ ၁၀ နှစ်အရွယ် ကလေးကို ကိုယ့်အသက်တောင် မငဲ့ဘဲ သွားကယ်ခဲ့တဲ့ ၁၆ နှစ်အရွယ် လူငယ်ကို သမ္မတ ဒေါ်နယ်ထရမ့်က ဂုဏ်ပြုဆု ပေးဖို့ စီစဉ်နေပါတယ်။

ပင်လယ်လှိုင်းနဲ့အတူ မျောပါသွားတဲ့ ကလေးကို အဲဒီအသက်ကယ်ဝန်ထမ်း လူငယ်က အန္တရာယ်ကြားကနေ ရေထဲဆင်းပြီး သွားကယ်ခဲ့တာလို့ တာဝန်ရှိသူတွေက ပြောပါတယ်။

ကမ်းခြေရောက်နေသူတစ်ဦး ရိုက်ထားတဲ့ ဗီဒီယိုဟာ အွန်လိုင်းမှာ ချက်ချင်း ပျံ့နှံ့သွားပြီး လူငယ်ရဲ့ ရဲရင့်တဲ့လုပ်ရပ်ကို လူတိုင်းက ချီးကျူးနေကြတာပါ။

ဗီဒီယိုထဲမှာတော့ လှိုင်းလုံးကြီးတွေကြားကနေ ကလေးဆီ ရောက်အောင် ရေကူးသွားပြီး ကလေးကို တင်းတင်းကျပ်ကျပ် ဖက်ထားတာ တွေ့ရပါတယ်။ လှိုင်းရိုက်လို့ နှစ်ယောက်လုံး ရေထဲ ခဏခဏ မြုပ်သွားပေမဲ့ လူငယ်က ကလေးကို လုံးဝ လက်မလွှတ်ခဲ့ပါဘူး။ အဲဒီနောက်မှ အခြား ကယ်ဆယ်ရေး ဝန်ထမ်းတွေ ရောက်လာပြီး ဝိုင်းဆွဲတင်ခဲ့ကြတာပါ။

သမ္မတ ဒေါ်နယ်ထရမ့်ကလည်း အဲဒီလူငယ်ရဲ့ စွမ်းဆောင်မှုကို အသိအမှတ်ပြုတဲ့အနေနဲ့ အိမ်ဖြူတော်ကို ဖိတ်ပြီး ဂုဏ်ပြုဆု ပေးအပ်သွားမယ်လို့ သိရပါတယ်။

30/07/2026

လူမှု့ကွန်ရက်မှာ ဖော်လိုဝါ ၃ သန်းကျော်အားပေးသူရှိတဲ့ ထိုင်းနာမည်ကြီး ခရီးသွား ဘာလော့ဂါ Hlun Solo ကို သေဆုံးလျက်တွေ့ရှိခဲ့ရကြာင်း ရှာဖွေမှုတွင် ပါဝင်ခဲ့တဲ့ Asa Papailong က ပြောကြားခဲ့မှုကြောင့် Hlun Solo ပျောက်ဆုံးနေပေမယ့် အသက်ရှင်ဦးမယ်ဆိုတဲ့ မျှော်လင့်ချက်တွေက အဆုံးသ-တ်သွားရပြီဖြစ်ပါတယ်။

Hlun ၏ မိသားစုဝင်များကိုလည်း အသိပေးအကြောင်းကြားခဲ့ပြီဖြစ်ပြီး ဝမ်းနည်းကြောင့်ပြောကြားခဲ့ကာ နောက်ထပ်အသေးစိတ်အချက်အလက်များကို မိသားစုမှ ထုတ်ပြန်ပေးပါရန် တောင်းဆိုခဲ့ကြောင်း Asa က ပြောကြားခဲ့ပါတယ်။

နာမည်ကြီး ထိုင်းခရီးသွား ဘလော့ဂါတစ်ဦးဖြစ်တဲ့ Hlun ဟာ ဇူလိုင်လ ၁၃ ရက်ကတည်းက ဂျော်ဂျီယာကို ခရီးသွားရင်း ပျောက်ဆုံးသွားခဲ့တာဖြစ်ပါတယ်။ နောက်ဆုံးမှာတော့ ဂျော်ဂျီယာနိုင်ငံ Tbilisi မြို့က ဟိုတယ်တစ်ခုအတွင်းမှာ လွန်ခဲ့တဲ့ ၁၀ ရက်ခန့်က ဆုံးပါးနေတဲ့ Hlun ရဲ့ ရုပ်အလောင်းကို ရှာဖွေတွေ့ရှိခဲ့ကြပြီး အတည်ပြုခဲ့ကြပါတယ်။ တွေ့ရှိချိန်မှာ Hlun အသုံးပြုတဲ့ ကင်မရာကိုတော့ ရှာမတွေ့ခဲ့ဘူးလို့ သိရပါတယ်။

အသက် ၂၇ နှစ်ရှိပြီဖြစ်တဲ့ Hlun Solo ထိုင်းနာမည်- ဘဝန်ရတ် ပန်ဆုခ်ဟာ ဘတ် ၃ သိန်းတည်းနဲ့ နိုင်ငံ ၅၀ ကျော်ရောက်ခဲ့သူအဖြစ် နာမည်ကြီးတဲ့ ခရီးသွား ဘလော့ဂါ ယူကျူဘာ တစ်ယောက်ဖြစ်ပြီး လွန်ခဲ့တဲ့ နှစ်ပတ်က ခရီးသွားဗီဒီယို ရိုက်ကူးဖို့ ဂျော်ဂျီယာနိုင်ငံကို တစ်ဦးတည်းထွက်ခွာသွားခဲ့ပြီး ပျောက်ဆုံးသွားခဲ့တာဖြစ်ပါတယ်။ ယခုအခါ ဂျော်ဂျီယာ ပြည်ထဲရေး ဝန်ကြီးဌာနကလည်း အတည်ပြုလိုက်ပြီဖြစ်ပြီး Hlun ဟာ ပစ္စည်းလုယက်ခံပြီး အသ-တ်ခံရဖွယ်ရှိတယ်လို့ ယူဆချက်ကြောင့် Hlun Solo သေဆုံးမှုကို အမှုဖွင့်ပြီး စုံစမ်းစစ်ဆေးမှုတွေပြုလုပ်နေပြီဖြစ်ကာ ဂျော်ဂျီယာနိုင်ငံဆိုင်ရာ ထိုင်းသံရုံးကလည်း မိသားစုဝင်တွေကို ဆက်သွယ်ပြီး လိုအပ်တဲ့ အကူအညီတွေ ပေးနေပါတယ်။

ဘဝန်ရတ်ဟာ ငယ်ရွယ်စဉ်မှာပင် ဖခင်ဖြစ်သူဆုံးပါးခဲ့လို့ အဖွားဖြစ်သူနဲ့ အတူနေထိုင်ခဲ့ပြီး ပညာရေးမှာလည်း ထူးချွန်ကာ ပညာသင်ဆုတွေ အမြဲရခဲ့ပါတယ်။ အထက်တန်းကျောင်းပြီးလို့ ဘန်ကောကို ပြောင်းရွှေ့ပြီး အလုပ်လုပ်ရင်း ပညာသင်ဆုရရှိခဲ့တဲ့အတွက် ထိုင်းနိုင်ငံရဲ့ နာမည်ကြီး ချူလာလောင်ကွန်း တက္ကသိုလ်ကို တက်ခွင့်ရခဲ့ပါတယ်။ တက္ကသိုလ်တက်နေစဉ်အတွင်းမှာ အလုပ်ပေါင်းစုံလည်း လုပ်ခဲ့ပြီး ဘတ် ၃ သိန်းကျော် (မြန်မာငွေ သိန်း ၄၀၀ ခန့်) စုဆောင်းရရှိခဲ့ပြီး အသက် ၂၄ နှစ်အရွယ်ကစပြီး ဘတ်ဂျတ်ခရီးသွားခြင်းကို စတင်ခဲ့ကာ ဂျပန်၊ အိန္ဒိယအစရှိတဲ့ နိုင်ငံပေါင်းစုံ ၅၀ ကျော်ကို တစ်ဦးတည်း သွားရောက်ခဲ့ပြီး ခရီးသွား ရုပ်သံတွေ ရိုက်ကူးတင်ဆက်ခဲ့ရာကနေ နာမည်ကြီးခဲ့ပါတယ်။

ယခုအခါမှာတော့ Hlun ဆုံးပါးခဲ့မှုကို အန်ကာရာမှာ ရှိတဲ့ တော်ဝင်ထိုင်းသံရုံးကလည်း အတည်ပြုခဲ့ပြီဖြစ်ပြီး သူရဲ့ အစ်ကိုကြီးဖြစ်သူကလည်း တရားဝင်ထုတ်ဖော် ပြောခဲ့သလို ဝိုင်းဝန်းရှာဖွေမှုမှာ ပါဝင်ပေးသူတွေကိုကျေးဇူးတင်ကြောင်းပြောခဲ့ပါတယ်။

ဂျော်ဂျီယာ နိုင်ငံမှာ ခရီးသွားတွေ မကြာခဏ ပျောက်ဆုံးလေ့ရှိပြီး ကုန်ကျစရိတ်နည်းနည်းဖြင့် ခရီးသွားလာမှုတွေရဲ့ ရှေ့ဆောင်ဖြစ်တဲ့ နာမည်ကြီး ထိုင်း Youtuber ဖြစ်တဲ့ Hlun တစ်ယောက်လည်း ဒီထဲမှာ ပါဝင်သွားခဲ့ပြီး အသက်ငယ်ငယ်ရွယ်ရွယ်နဲ့ အောင်မြင်နေတဲ့ ဘဝတစ်ခုကနေ ခပ်စောစောထွက်ခွာသွားရတာ စိတ်မကောင်းဖြစ်မိပါတယ်။

Ref; Thaiger
photos credit

Knowledge Bee

16/10/2026

19/08/2026

15/08/2026

15/08/2026

14/08/2026

31/07/2026

30/07/2026

30/07/2026

30/07/2026

Address

Website

Alerts

Shortcuts

Sponsored

Share

Listing takedown request