03/10/2026
တရုတ်ပြည် Zhangjiajie ခရီးစဉ် Video လေးတွေ မတင်ခင်၊ Tour နဲ့ မဟုတ်ဘဲ ကိုယ့်အစီအစဉ်နဲ့ကိုယ် (DIY) သွားမယ့် သူငယ်ချင်းတွေအတွက် ကြိုတင်ပြင်ဆင်ရမယ့် အရေးကြီးတဲ့ အချက်လေးတွေကို အရင်ဆုံး ပြောပြပေးချင်ပါတယ် 🇨🇳
ကိုယ့်ဘာသာကိုယ် သွားတာဆိုတော့ Tour နဲ့သွားသလို အားလုံး စီစဉ်ပေးမယ့်သူ မရှိဘူးလေနော်. အဲဒီတော့ ဟိုရောက်မှ အခက်အခဲ မဖြစ်ရအောင် ဒီအချက်လေးတွေ ကြိုတင်ပြင်ဆင်ထားမှ ခရီးစဉ်တစ်ခုလုံး အဆင်ပြေချောမွေ့မှာပါ
1️⃣ eSIM သို့မဟုတ် VPN ကြိုတင်ပြင်ဆင်ဖို့ 📱
တရုတ်ပြည်မှာက Facebook, Messenger, TikTok, IG နဲ့ Google ဝန်ဆောင်မှုတွေ (Google Maps, Gmail စတာတွေ) သုံးလို့မရပါဘူး. အဲဒီတော့ ခရီးစထွက်ထွက်ကတည်းက VPN အဆင်သင့် ပါတဲ့ Roaming eSIM (ဥပမာ - Airalo) ကို ဝယ်သွားတာဖြစ်ဖြစ်၊ ဒါမှမဟုတ် ဟိုမှာ သေချာ အလုပ်လုပ်မယ့် VPN App တွေကို ဖုန်းထဲမှာ ကြိုသွင်းသွားဖို့ လိုပါတယ်နော်..
2️⃣ Alipay / WeChat Pay ချိတ်ဆက်ထားဖို့ 💳
တရုတ်ပြည်က လုံးဝ Cashless Society (ငွေသားမသုံးတဲ့ လူ့အဖွဲ့အစည်း) လို့တောင် ပြောလို့ရတယ်။ ဈေးဝယ်တာကအစ၊ ကားငှားတာ၊ စားသောက်တာ အဆုံး ငွေသားထက် Digital Payment ကိုပဲ အဓိက သုံးကြတာများတယ်။ ကိုယ့်ရဲ့ Visa ဒါမှမဟုတ် Master Card ကို Alipay ထဲမှာ ကြိုချိတ်သွားရင် ဟိုရောက်တဲ့အခါ အကုန်လုံး အရမ်းလွယ်သွားပါပြီ။
3️⃣ Translation နဲ့ Map Apps တွေ မဖြစ်မနေ ဒေါင်းထားဖို့ 🗺️
အပေါ်မှာ ပြောခဲ့သလို Google Maps က အလုပ်မလုပ်တော့ လမ်းရှာဖို့အတွက် Baidu Maps ဒါမှမဟုတ် Amap (Gaode) ကို သုံးရပါတယ်။ တရုတ်လို မကျွမ်းကျင်ဘူးဆိုရင် စကားပြောဖို့နဲ့ ဆိုင်းဘုတ်တွေ ဖတ်ဖို့ Google Translate (Offline Download လုပ်သွားဖို့) ဒါမှမဟုတ် Pleco App လေးတွေ ဆောင်ထားဖို့ အကြံပေးချင်ပါတယ်။
4️⃣ Trip.com App က အရမ်းအသုံးဝင်တယ် 🚆
မြို့တစ်မြို့နဲ့ တစ်မြို့ကူးဖို့ မြန်နှုန်းမြင့် ရထားလက်မှတ်တွေ၊ ဟိုတယ်တွေနဲ့ တချို့ ဝင်ကြေးလက်မှတ်တွေ ဝယ်ဖို့အတွက်ဆို Trip.com App က အဆင်ပြေဆုံးပါပဲ။ အင်္ဂလိပ်လိုလည်း ရတော့ ကိုယ့်ဘာသာ စီစဉ်ရတာ ပိုလွယ်တာပေါ့။
5️⃣ Power Bank မပြတ်ယူသွားဖို့ 🔋
ဟိုရောက်ရင် ငွေရှင်းဖို့ကလည်း ဖုန်း၊ လမ်းရှာဖို့ကလည်း ဖုန်း၊ ဘာသာပြန်ဖို့ကလည်း ဖုန်းဆိုတော့ ဖုန်းဘက်ထရီက အရမ်းမြန်မြန်ကုန်ပါတယ်။ ဒါကြောင့် Power Bank ကတော့ မဖြစ်မနေ လိုပါတယ်။ ဒါပေမဲ့ လေယာဉ်ပေါ်ယူမယ့် Power Bank က Capacities/Wh စာသား ရှင်းရှင်းလင်းလင်း ပါဖို့တော့ သတိထားပါနော်။
ဒီအချက်လေးတွေသာ ပြင်ဆင်ထားရင်တော့ တရုတ်ပြည် ခရီးစဉ်က လုံးဝ Smooth ဖြစ်နေမှာပါ။ မကြာခင်မှာလည်း ဘယ်တွေသွားခဲ့လဲ၊ ဘယ်လောက် လှလဲဆိုတဲ့ ခရီးစဉ် Video လေးတွေ ဆက်တိုက် လာဖို့ရှိလို့ စောင့်ကြည့်ပေးကြပါဦးနော်! 🥰
