Vatandosh Turkiye

25/08/2026

25/08/2026

𝗚𝗼’𝘇𝗮𝗹 𝗜𝘀𝘁𝗮𝗻𝗯𝘂𝗹𝗱𝗮 𝘆𝗮𝘀𝗵𝗮𝗺𝗼𝗾𝗰𝗵𝗶𝗺𝗶𝘀𝗶𝘇?

❓ Buning uchun sizga bir narsa kerak, u ham bo’lsa yashash ruxsatnomasi

✅ Turkiyada o’qish orqali yashash ruxsatnomasiga ega bo’ling!

ÖzPermit - Turkiyadagi ishonchli hamrohingiz

🇹🇷 +90(552)420-10-10 (WP/TG)
🇹🇷 +90(212)505-50-00

25/08/2026

🇹🇷 Xususiy universitetlarda kimlar uchun kontrakt narxi koʻpi bilan 25 foiz oshirilishi mumkin?

Turkiya Oliy ta’lim kengashi (YÖK) xususiy (vakıf) universitetlarga 2026–2027 o‘quv yilida o‘qishni davom ettirayotgan talabalar uchun kontrakt to‘lovini 25 foizdan ortiq oshirish mumkin emasligini eslatdi.

Shuningdek, universitetlarga ushbu cheklovni qo‘shimcha majburiy to‘lovlar orqali chetlab o‘tish taqiqlandi. Jumladan, tayyorlov kursi, laboratoriya, amaliyot, yozgi maktab yoki o‘quv materiallari uchun majburiy to‘lovlar orqali kontrakt narxini sun’iy ravishda oshirish mumkin emas.

YÖK universitetlardan talabalarga barcha majburiy xarajatlar, stipendiya va chegirmalarni saqlab qolish shartlari haqida oldindan va shaffof ma’lumot berishni talab qildi.

Belgilangan 25 foizlik cheklov buzilgan taqdirda tekshiruv va surishtiruvlar o‘tkazilishi mumkin.

Shuningdek, xorijiy talabalarga o‘qish to‘lovi, ro‘yxatdan o‘tish hamda yashash uchun ruxsatnoma (ikamet) rasmiylashtirish tartibi haqida tushunarli ma’lumot taqdim etilishi kerakligi alohida ta’kidlandi.

24/08/2026

🌬 𝗜𝘀𝘁𝗮𝗻𝗯𝘂𝗹𝗱𝗮 𝗵𝗮𝗳𝘁𝗮 𝗼𝘅𝗶𝗿𝗶𝗴𝗮 𝗯𝗼𝗿𝗶𝗯 𝗵𝗮𝘃𝗼 𝘀𝗲𝘇𝗶𝗹𝗮𝗿𝗹𝗶 𝘀𝗮𝗹𝗾𝗶𝗻𝗹𝗮𝘀𝗵𝗮𝗱𝗶

Istanbulda jazirama ob-havodan keyin harorat pasayishi kutilmoqda. Meteorolog Dilek Chalishkanning ma’lum qilishicha, chorshanba oqshomidan shimoli-sharqiy poyraz shamoli kuchayib, havo salqinlasha boshlaydi.

🌡 Hafta davomida harorat 28–31°C atrofida bo‘lishi kutilmoqda. Ayni paytda shaharda namlik darajasi 80 foizdan yuqori.

Payshanba kuni havo salqinlashishi hisobiga yuqori namlikning ta’siri kamroq seziladi. Eng sezilarli salqinlik esa juma kuni kuzatiladi. Meteorolog ta’biri bilan aytganda, ob-havo istanbulliklarni «Kuz erta keldi», deyishga majbur qilishi mumkin.

☀️ AKOM prognoziga ko‘ra, bu hafta Istanbulda yomg‘ir kutilmayapti. Asosan ochiq yoki kam bulutli ob-havo saqlanib qoladi.

24/08/2026

⚽️ 𝗘𝗹𝗱𝗼𝗿 𝗦𝗵𝗼𝗺𝘂𝗿𝗼𝗱𝗼𝘃 𝗧𝘂𝗿𝗸𝗶𝘆𝗮𝗱𝗮 𝘆𝗮𝗻𝗮 𝗴𝗼𝗹 𝘂𝗿𝗱𝗶

Turkiya Superligasining ikkinchi turida “Trabzonspor” o‘z maydonida Eldor Shomurodov va Abbosbek Fayzullayev to‘p surayotgan “Istanbul Bashakshehir” klubini qabul qildi.

Uchrashuvni ikki hamyurtimiz ham asosiy tarkibda boshladi. Birinchi bo‘limdayoq Fayzullayevning chiroyli uzatmasidan so‘ng Shomurodov darvozabon bilan birga-bir vaziyatga chiqib bordi, biroq so‘nggi lahzada himoyachi to‘pni uning oyog‘i ostidan olib qoldi.

⚽️ 8-daqiqada Muhammad Saloh darvozabondan qaytgan to‘pni darvozaga yo‘llab, “Trabzonspor”ni hisobda oldinga olib chiqdi. Himoyachi to‘pni darvoza ichidan qaytargani VAR orqali tasdiqlandi — 1:0.

🇺🇿 19-daqiqada Eldor Shomurodov o‘zi ishlagan penaltini aniq amalga oshirib, hisobni tenglashtirdi — 1:1.

Ikkinchi bo‘limning 48-daqiqasida Saloh yana gol urib, dubl qayd etdi va “Trabzonspor”ni qaytadan oldinga olib chiqdi — 2:1. Uchrashuv shu hisobda yakunlandi.

Shomurodov 90 daqiqa maydonda harakat qildi. Abbosbek Fayzullayev esa 58-daqiqada almashtirildi.

🔥 Shomurodov yangi mavsumni juda yaxshi boshladi: 2 ta o‘yin — 2 ta gol. U Superliganing birinchi turida “Kojaspor”ga qarshi uchrashuvda ham gol urgandi.

“Bashakshehir” navbatdagi uchrashuvini 30-avgust kuni “Kasimpasha”ga qarshi o‘z maydonida o‘tkazadi.

21/08/2026

🇹🇷 Turkiyada dollar 48 liradan oshdi: yil oxiriga borib kurs qancha bo‘lishi mumkin?

Turkiyada AQSh dollari kursi 48 liralik chegaradan oshdi. 21-avgust ertalabki ma’lumotlarga ko‘ra, dollar 48,0288 liradan sotib olinib, 48,076 liradan sotilmoqda. Yevro esa 56 lira atrofida savdo qilinmoqda. Bu haqda TGRT Haber xabar berdi.

📈 Yil oxirigacha qancha bo‘lishi mumkin?

Turkiya Markaziy bankining bozor ishtirokchilari orasida o‘tkazadigan so‘rovlari dollar kursining yil oxirigacha yana oshishi mumkinligini ko‘rsatmoqda. Iyul oyidagi so‘rovda 2026-yil oxiri uchun dollar/TL prognozi 51,55 lira darajasida bo‘lgan. 12 oydan keyingi kurs bo‘yicha kutilma esa 56,69 liraga yetgan.

Shuningdek, TGRT Haber'da 21-avgust kuni e’lon qilingan tahlilda yil oxiriga doir bozor kutilmalari 51–52 lira atrofida ekani qayd etilgan.

Demak, hozirgi 48 liralik kursdan kelib chiqilsa, bozor ishtirokchilari yilning qolgan qismida dollarning yana taxminan 7–8 foiz qimmatlashishini kutmoqda. Biroq bu prognoz bo‘lib, amaldagi kurs inflyatsiya, foiz stavkalari, Markaziy bank siyosati hamda ichki va tashqi bozorlardagi vaziyatga qarab o‘zgarishi mumkin.

20/08/2026

🇹🇷 7 oyda 7 qurbon: Turkiyada o‘zbek ayollari fojialari nega ko‘paymoqda?

Turkiyada o‘zbek ayollari bilan bog‘liq mudhish jinoyatlar va o‘lim holatlari jiddiy xavotir uyg‘otmoqda. 2025-yil avgustidan 2026-yil fevraligacha kamida 7 nafar o‘zbekistonlik ayol vahshiylarcha o‘ldirilgan.

Bu fojialar ortida qanday sabablar bor? Huquqiy himoyasizlik, norasmiy mehnat, yolg‘izlik va ishonuvchanlik ayollar hayotiga qanday xavf tug‘dirmoqda?

Jurnalist Sohiba Hayot Turkiyadagi o‘zbek ayollari taqdiri va ularni himoya qilish yo‘llarini o‘rgandi.

📖 Maqolani o‘qish https://vatandosh.net/oz/news/1003
🎥 Ko‘rsatuvni tomosha qilish https://www.youtube.com/watch?v=0cBu5DUKsOw

20/08/2026

📰 Istanbulda xususiy talabalar yotoqxonalarida narxlar keskin oshdi

YKS natijalari e’lon qilingach, talabalar turar joy izlashni boshladi. 2026–2027 o‘quv yilida Istanbuldagi xususiy talabalar yotoqxonalarida yashash narxi hudud va xona turiga qarab oyiga 76 ming liragacha yetmoqda.

Taqqoslash uchun, o‘tgan o‘quv yilida narxlar taxminan 17–58 ming TL oralig‘ida edi.

📍 Hududlar bo‘yicha narxlar:
▪️ Esenyurt — 15 000–32 000 TL
▪️ Avcılar — 20 000–40 000 TL
▪️ Şişli — 25 000–50 000 TL
▪️ Fatih — 30 000–40 000 TL
▪️ Kadıköy — 30 000–50 000 TL
▪️ Beşiktaş — 36 000–76 000 TL

Eng yuqori narxlar Beşiktaşda qayd etilgan. Bu yerda alohida xona narxi oyiga 76 ming liragacha yetishi mumkin.

Yotoqxonalardagi narxlar oshishi fonida ayrim talabalar do‘stlari bilan birgalikda kvartira ijaraga olib, xarajatlarni bo‘lib to‘lashni afzal ko‘rmoqda.

Davlat talabalar yotoqxonalarining yangi o‘quv yili uchun narxlari hozircha e’lon qilinmagan.

20/08/2026

🚨 𝗦𝗮𝗺𝘀𝘂𝗻𝗱𝗮 𝗼‘𝘇𝗯𝗲𝗸𝗶𝘀𝘁𝗼𝗻𝗹𝗶𝗸 𝟯 𝗮𝘆𝗼𝗹 𝗾𝘂𝘁𝗾𝗮𝗿𝗶𝗹𝗱𝗶, 𝟱 𝗴𝘂𝗺𝗼𝗻𝗹𝗮𝗻𝘂𝘃𝗰𝗵𝗶 𝘂𝘀𝗵𝗹𝗮𝗻𝗱𝗶

🇹🇷 Turkiyaning Samsun shahrida O‘zbekistondan ayollarni olib kelib, ularga internetdagi fohishalik saytlar orqali mijoz topganlikda gumon qilingan guruhga qarshi operatsiya o‘tkazildi. Bu haqda İhlas Haber Ajansı xabar berdi.

Ma’lumotlarga ko‘ra, Samsun politsiyasining Migrantlar kontrabandasi va chegara punktlariga qarshi kurash bo‘limi kelib tushgan xabar asosida surishtiruv boshlagan. Tekshiruv davomida N.I. boshchiligidagi guruh O‘zbekistondan ayollarni olib kelgani, ularni Samsunning Atakum tumanidagi manzilda saqlagani va internetdagi fohishalik saytlar orqali mijoz topgani aniqlangani aytilmoqda.

👮‍♂️ Shundan so‘ng Atakum va Charshamba tumanlarida bir vaqtda operatsiya o‘tkazilgan va besh kishi qo‘lga olingan. Gumonlanuvchilardan biri ayol ekani qayd etilgan.

🔎 Tintuvlar vaqtida fohishalikka jalb etilgani taxmin qilinayotgan 3 nafar xorijlik ayol qutqarilgan. Ular politsiyadagi tegishli jarayonlardan so‘ng Samsun Migratsiya boshqarmasiga topshirilgan. Manbalarda ayollar O‘zbekistondan olib kelingani aytiladi, biroq ularning fuqaroligi rasman ochiqlanmagan.

⚖️ Qo‘lga olingan 5 gumonlanuvchi politsiyadagi so‘roq va protsessual harakatlardan so‘ng Samsun sudiga yuborilgan.