Vatandosh Turkiye

Vatandosh Turkiye Turkiyadagi vatandoshlar hayoti

𝗝𝗶𝗻𝗼𝗶𝘆 𝗴𝘂𝗿𝘂𝗵𝗹𝗮𝗿 𝗻𝗶𝗺𝗮 𝘂𝗰𝗵𝘂𝗻 𝗧𝘂𝗿𝗸𝗶𝘆𝗮𝗻𝗶 𝘁𝗮𝗻𝗹𝗮𝗺𝗼𝗾𝗱𝗮?Turkiyaning strategik joylashuvi, xalqaro narkotrafik yoʻllari va noqonu...
22/05/2026

𝗝𝗶𝗻𝗼𝗶𝘆 𝗴𝘂𝗿𝘂𝗵𝗹𝗮𝗿 𝗻𝗶𝗺𝗮 𝘂𝗰𝗵𝘂𝗻 𝗧𝘂𝗿𝗸𝗶𝘆𝗮𝗻𝗶 𝘁𝗮𝗻𝗹𝗮𝗺𝗼𝗾𝗱𝗮?

Turkiyaning strategik joylashuvi, xalqaro narkotrafik yoʻllari va noqonuniy moliyaviy aylanmalar markazida ekani uni xalqaro jinoiy guruhlarning diqqat markazidagi davlatlardan biriga aylantirdi. Soʻnggi yillarda Turkiyada xalqaro jinoiy tarmoqlar, xususan, Markaziy Osiyo davlatlari va Oʻzbekiston fuqarolari ishtirokidagi jinoyatlar hamda qoʻlga olish operatsiyalari tez-tez kun tartibiga chiqmoqda.

Turkiya – jinoiy tarmoqlar uchun “koʻprik”
Ekspertlarning fikricha, Turkiya Yevropa, Bolqon, Kavkaz va Yaqin Sharq oʻrtasidagi oʻtish nuqtasi boʻlgani sababli uzoq yillardan beri kontrabanda, odam savdosi va pul yuvish kabi noqonuniy faoliyatlar uchun logistik qulaylik yaratib keladi. Yirik portlar, yuqori havo trafigi va Yevropaga ochilgan quruqlik yoʻllari jinoiy guruhlar uchun qulay imkoniyat hisoblanadi.

Oʻzbekistonlik jinoyatchilar nega Turkiyaga qochmoqda?
Soʻnggi vaqtlarda Oʻzbekistonda jinoyat sodir etib, qonuniy jazodan qutulish va yashirinish maqsadida Turkiyaga qochib oʻtgan hamda oʻsha yerda qoʻlga olingan shaxslar bilan bogʻliq holatlar keskin koʻpaydi. Bunga Turkiya bilan vizasiz rejim mavjudligi, yirik megapolislarda yashirinish imkoniyati va u yer orqali uchinchi davlatlarga oʻtib ketish yoʻllarining borligi sabab boʻlmoqda.

Biroq Turkiya Ichki ishlar vazirligi va xalqaro huquq-tartibot idoralari hamkorligida oʻtkazilayotgan operatsiyalar natijasida koʻplab qidiruvdagi shaxslar qoʻlga olinmoqda.

𝗜𝘀𝘁𝗮𝗻𝗯𝘂𝗹𝗱𝗮 𝗕𝘂𝘁𝘂𝗻𝗷𝗮𝗵𝗼𝗻 𝗲𝘁𝗻𝗼𝘀𝗽𝗼𝗿𝘁 𝗳𝗲𝘀𝘁𝗶𝘃𝗮𝗹𝗶 𝗯𝗼𝘀𝗵𝗹𝗮𝗻𝗱𝗶Turkiyaning Istanbul shahrida dunyo xalqlarining qadimiy an’analari v...
22/05/2026

𝗜𝘀𝘁𝗮𝗻𝗯𝘂𝗹𝗱𝗮 𝗕𝘂𝘁𝘂𝗻𝗷𝗮𝗵𝗼𝗻 𝗲𝘁𝗻𝗼𝘀𝗽𝗼𝗿𝘁 𝗳𝗲𝘀𝘁𝗶𝘃𝗮𝗹𝗶 𝗯𝗼𝘀𝗵𝗹𝗮𝗻𝗱𝗶

Turkiyaning Istanbul shahrida dunyo xalqlarining qadimiy an’analari va milliy o‘yinlarini birlashtirgan Butunjahon etnosport festivali start oldi.

Ushbu nufuzli tadbirda O‘zbekiston Sport vazirligi, Milliy Olimpiya va Paralimpiya qo‘mitalari hamda Etnosport federatsiyasi rahbariyatidan iborat delegatsiya ishtirok etmoqda.

Festival doirasida O‘zbekiston vakillari Butunjahon etnosport konfederatsiyasi rahbari Najmiddin Bilol Erdog‘an hamda Gurjiston sport vaziri Shalva Gogoladze bilsan uchrashuvlar o‘tkazdi.

Muloqotlarda milliy qadriyatlar va sport turlarini global miqyosda keng targ‘ib qilish hamda xalqaro hamkorlikni rivojlantirish masalalari muhokama qilindi.

Tadbirlar maydonida o‘zbek jang san’ati va kurash bo‘yicha sportchilarimizning ko‘rgazmali chiqishlari namoyish etilmoqda.

Shuningdek, festival ishtirokchilari va xorijlik mehmonlar uchun o‘zbek milliy taomi — palov damlanib, tortiq qilindi.

𝗧𝘂𝗿𝗸𝗶𝘆𝗮𝗱𝗮 𝗜𝘀𝘁𝗮𝗻𝗯𝘂𝗹 𝗕𝗶𝗹𝗴𝗶 𝘂𝗻𝗶𝘃𝗲𝗿𝘀𝗶𝘁𝗲𝘁𝗶 𝗳𝗮𝗼𝗹𝗶𝘆𝗮𝘁𝗶 𝘁𝘂𝗴𝗮𝘁𝗶𝗹𝗱𝗶Turkiya prezidenti Rajab Toyyib Erdogʻan imzolagan va rasmiy ga...
22/05/2026

𝗧𝘂𝗿𝗸𝗶𝘆𝗮𝗱𝗮 𝗜𝘀𝘁𝗮𝗻𝗯𝘂𝗹 𝗕𝗶𝗹𝗴𝗶 𝘂𝗻𝗶𝘃𝗲𝗿𝘀𝗶𝘁𝗲𝘁𝗶 𝗳𝗮𝗼𝗹𝗶𝘆𝗮𝘁𝗶 𝘁𝘂𝗴𝗮𝘁𝗶𝗹𝗱𝗶

Turkiya prezidenti Rajab Toyyib Erdogʻan imzolagan va rasmiy gazetada (Resmi Gazete) e’lon qilingan qarorga muvofiq, Istanbul Bilgi universitetining (İstanbul Bilgi Üniversitesi) ruxsatnomasi bekor qilindi va oliygoh yopildi.

Qarorning sababi nima?
Universitetning ta’sischi jamg‘armasiga (“Can Holding” holdingiga qarashli tuzilma) nisbatan jinoiy guruh tuzish, pul yuvish va firgarlik ayblovlari bilan tergov boshlangani sababli avvalroq davlat tomonidan ishonchli vakillar (kayyum) tayinlangan edi. Oliy ta’lim to‘g‘risidagi qonunning tegishli moddasiga asosan, ta’sischi jamg‘armasi boshqaruviga kayyum tayinlangan va ta’lim darajasi yetarli bo‘lmagan xususiy universitetlarning faoliyati tugatilishi belgilangan.

Universitet haqida ma’lumot:
• Tashkil etilgan yili: Istanbul Bilgi universiteti 1996-yil 7-iyunda Turkiyaning to‘rtinchi vaqf (xususiy) universiteti sifatida tashkil etilgan edi.
• Oliygoh mamlakatning eng nufuzli va ilg‘or xususiy ta’lim maskanlaridan biri hisoblanardi. Salkam 30 yillik tarixga ega universitet 2019-yilda “Can Holding” tomonidan sotib olingan edi.

Talabalarning taqdiri nima bo‘ladi?
Amaldagi qonunchilikka ko‘ra, faoliyati tugatilgan vaqf universitetlarining talabalari va arxiv hujjatlari kafil hisoblangan davlat universitetiga o‘tkaziladi. Istanbul Bilgi universiteti talabalari o‘z ta’limlarini kafil oliygoh — Mimar Sinan nomidagi go‘zal san’at universiteti (Mimar Sinan Güzel Sanatlar Üniversitesi) tarkibida davom ettirishadi. Shuningdek, ushbu qaror universitetning avvalgi bitiruvchilari diplomlarining haqiqiyligiga ta’sir qilmaydi.



21/05/2026

🇹🇷 Turkiyada nikoh: Qonuniymi yoki diniy?

💍 Turkiyada oila rasmiy va shar’iy nikoh asosida quriladi. Ammo mamlakat qonunlariga ko‘ra, ularning hayotdagi ahamiyatlari turlicha. Rasmiy va shar’iy nikoh huquqiy jihatdan qanday farq qiladi?

🎥 Turkiya qonunchiligini qisqa videolarimiz orqali o‘rganing.

📌 Foydali ma’lumotlarni huquqshunos Muhlisa Abdussalomova taqdim etmoqda.

📲

🇹🇷 𝗧𝘂𝗿𝗸𝗶𝘆𝗮𝗱𝗮 𝗯𝗮𝘆𝗿𝗮𝗺 𝗸𝘂𝗻𝗹𝗮𝗿𝗶 𝗸𝗼‘𝗽𝗿𝗶𝗸, 𝗮𝘃𝘁𝗼𝗺𝗮𝗴𝗶𝘀𝘁𝗿𝗮𝗹 𝘃𝗮 𝗷𝗮𝗺𝗼𝗮𝘁 𝘁𝗿𝗮𝗻𝘀𝗽𝗼𝗿𝘁𝗹𝗮𝗿𝗶 𝗯𝗲𝗽𝘂𝗹 𝗯𝗼‘𝗹𝗮𝗱𝗶Mavzuga oid Prezident qarori Ras...
21/05/2026

🇹🇷 𝗧𝘂𝗿𝗸𝗶𝘆𝗮𝗱𝗮 𝗯𝗮𝘆𝗿𝗮𝗺 𝗸𝘂𝗻𝗹𝗮𝗿𝗶 𝗸𝗼‘𝗽𝗿𝗶𝗸, 𝗮𝘃𝘁𝗼𝗺𝗮𝗴𝗶𝘀𝘁𝗿𝗮𝗹 𝘃𝗮 𝗷𝗮𝗺𝗼𝗮𝘁 𝘁𝗿𝗮𝗻𝘀𝗽𝗼𝗿𝘁𝗹𝗮𝗿𝗶 𝗯𝗲𝗽𝘂𝗹 𝗯𝗼‘𝗹𝗮𝗱𝗶

Mavzuga oid Prezident qarori Rasmiy gazetaning (Resmi Gazete) qo‘shimcha sonida e’lon qilinib, kuchga kirdi.

Qarorga ko‘ra:
Bayram munosabati bilan Avtomagistrallar bosh boshqarmasi (KGM) tasarrufidagi avtomagistrallar hamda «15-iyul Shahidlari» va «Fatih Sulton Mehmet» ko‘priklaridan o‘tish bepul bo‘ladi.

Ushbu ko‘prik va yo‘llardan 26-may, seshanba kuni soat 00:00 dan 30-may, shanba kuni yakuniga qadar bepul foydalanish mumkin.

Shahar ichki jamoat transporti ham bepul:
Fuqarolar 27-may, chorshanba kuni soat 00:00 dan 30-may, shanba kuni yakuniga qadar quyidagi transport xizmatlaridan bepul foydalanishlari mumkin:
• Başkentray, Marmaray, İZBAN;
• Sirkeji–Kazlicheshme temir yo‘l tizimi yo‘nalishi;
• Gayrettepe–Istanbul aeroporti–Arnavutko‘y metro yo‘nalishi;
• Municipalitetlar va ularga qarashli korxonalarning barcha jamoat transportlari.

𝗧𝘂𝗿𝗸𝗶𝘆𝗮𝗱𝗮 𝘁𝗶𝗯𝗯𝗶𝘆 𝗺𝗮ʼ𝗹𝘂𝗺𝗼𝘁𝗻𝗼𝗺𝗮𝗹𝗮𝗿 𝗯𝗼ʻ𝘆𝗶𝗰𝗵𝗮 𝘆𝗮𝗻𝗴𝗶 𝗾𝗼𝗶𝗱𝗮𝗹𝗮𝗿 𝗸𝘂𝗰𝗵𝗴𝗮 𝗸𝗶𝗿𝗱𝗶: 𝗺𝗶𝗴𝗿𝗮𝗻𝘁𝗹𝗮𝗿𝗴𝗮 𝗾𝗮𝗻𝗱𝗮𝘆 𝘁𝗮ʼ𝘀𝗶𝗿𝗶 𝗯𝗼𝗿?Turkiyada tibbiy ...
21/05/2026

𝗧𝘂𝗿𝗸𝗶𝘆𝗮𝗱𝗮 𝘁𝗶𝗯𝗯𝗶𝘆 𝗺𝗮ʼ𝗹𝘂𝗺𝗼𝘁𝗻𝗼𝗺𝗮𝗹𝗮𝗿 𝗯𝗼ʻ𝘆𝗶𝗰𝗵𝗮 𝘆𝗮𝗻𝗴𝗶 𝗾𝗼𝗶𝗱𝗮𝗹𝗮𝗿 𝗸𝘂𝗰𝗵𝗴𝗮 𝗸𝗶𝗿𝗱𝗶: 𝗺𝗶𝗴𝗿𝗮𝗻𝘁𝗹𝗮𝗿𝗴𝗮 𝗾𝗮𝗻𝗱𝗮𝘆 𝘁𝗮ʼ𝘀𝗶𝗿𝗶 𝗯𝗼𝗿?

Turkiyada tibbiy maʼlumotnomalarni (sağlık raporu) rasmiylashtirishning yangi tartibi kuchga kirdi. Bu haqda tegishli nizom hukumatning rasmiy gazetasi — "Resmi Gazete"da eʼlon qilindi.

Yangi tartibga koʻra nimalar oʻzgaradi?
📌 Qogʻozbozlik tugatiladi: Barcha arizalar va maʼlumotnomalar toʻliq raqamli formatga oʻtkaziladi.
📌 e-Nabız orqali onlayn olish: Litsenziya talab qilinmaydigan sport va ijtimoiy faoliyatlar uchun maʼlumotnomani shifoxonaga bormasdan, e-Nabız tizimi orqali mustaqil ravishda yuklab olish mumkin boʻladi.
📌 Ishga kirish osonlashadi: Xodimlar soni 50 nafardan kam va xavflilik darajasi past boʻlgan kichik korxonalarga ishga kirishda talab etiladigan tibbiy maʼlumotnomani endi barcha davlat shifokorlari rasmiylashtira oladi.
📌 Masofaviy uzaytirish: Surunkali kasalligi va nogironligi boʻlgan shaxslar tibbiy maʼlumotnomalar muddatini masofaviy tibbiy xizmatlar tizimi orqali uzaytirishlari mumkin.

Bu qoidalar migrantlarga ham tegishlimi?
Ha, bevosita tegishli. Turkiyada qonuniy yashash huquqi (ikamet izni) va e-Devlet paroli boʻlgan hamda e-Nabız tizimidan foydalanadigan barcha oʻzbekistonliklar uchun ham ushbu yangi raqamli qulayliklar amal qiladi.

👉

20/05/2026

𝗧𝘂𝗿𝗸𝗶𝘆𝗮𝗱𝗮 𝗵𝗶𝗯𝘀𝗴𝗮 𝗼𝗹𝗶𝗻𝗴𝗮𝗻 𝗚𝘂𝗹𝗯𝗮𝗵𝗼𝗿 𝗝𝘂𝗺𝗮𝗻𝗶𝘆𝗼𝘇𝗼𝘃𝗮 𝗼𝘇𝗼𝗱𝗹𝗶𝗸𝗸𝗮 𝗰𝗵𝗶𝗾𝗱𝗶

Turkiyada hibsda ushlab turilgan Oʻzbekiston fuqarosi Gulbahor Jumaniyozova ozod qilindi. U "Oʻzbek xotin-qizlari huquqini himoya qilish jamiyati"ga tashrif buyurib, bayonot berdi.

Jumaniyozova haq-huquqlarini himoya qilish va uni ozod etish jarayonida faol ishtirok etgan jamiyat rahbari Ozoda Islomova, advokatlar, Oʻzbekiston Respublikasining Ankaradagi Elchixonasi hamda Istanbuldagi Bosh konsulxonasi va qoʻllab-quvvatlagan barchaga oʻz minnatdorchiligini bildirdi.

👉

20/05/2026

𝗠𝗮𝗹𝗮𝘁𝘆𝗮𝗱𝗮 𝟱,𝟲 𝗯𝗮𝗹𝗹𝗶 𝘇𝗶𝗹𝘇𝗶𝗹𝗮: 𝗺𝗮𝗸𝘁𝗮𝗯𝗹𝗮𝗿𝗱𝗮 𝗼ʻ𝗾𝗶𝘀𝗵 𝘁𝗼ʻ𝘅𝘁𝗮𝘁𝗶𝗹𝗱𝗶

Turkiyaning Malatya viloyati Battalgazi tumanida bugun ertalab soat 09:00 da 5,6 magnitudali zilzila yuz berdi. Yer silkinishi 7,03 kilometr chuqurlikda qayd etilgan.

Zilzila atrofdagi Adiyaman, Kayseri, Shanliurfa, Diyarbakir va Gaziantep kabi koʻplab viloyatlarda ham kuchli sezilgan. Tabiiy ofat ortidan Malatyada taʼlim tizimiga bir kunlik tanaffus eʼlon qilindi.

Zilzila boʻyicha ekspert Shukru Ersoyning taʼkidlashicha, mazkur yer qimirlashi yerosti silkinishlarining davomi (afshok) emas, balki mustaqil zilzila boʻlishi mumkin. Malatya tektonik yoriqlar chorrahasida joylashgani sababli yaqin atrofdagi boshqa yoriq chiziqlari kuch toʻplagan boʻlishi taxmin qilinmoqda.

Hozircha hodisa oqibatida jiddiy talofat yoki qurbonlar haqida maʼlumot berilmadi. Ijtimoiy tarmoqlarda zilzila sodir boʻlgan lahza aks etgan videotasvirlar tarqalmoqda.

19/05/2026

🚫 Turkiyada norasmiy ishlash nimasi bilan xavfli?

🧳 “Turkiyada noqonuniy ishlash avvalo migrantning o‘zi uchun tahlikali”, deydi Getwork xususiy bandlik agentligi menejeri Alijon Anvarov.

📄 O‘zbekistonliklarning vizasiz kelib ishlashi qanday oqibatlarga olib keladi?

🎥 Tafsilotlar — qisqa videomizda.

📲

⚡️ 𝗜𝘀𝘁𝗮𝗻𝗯𝘂𝗹𝗱𝗮 𝗻𝗼𝗾𝘂𝗹𝗮𝘆 𝗼𝗯-𝗵𝗮𝘃𝗼 𝗸𝘂𝘁𝗶𝗹𝗺𝗼𝗾𝗱𝗮: 𝗸𝘂𝗰𝗵𝗹𝗶 𝘆𝗼𝗺𝗴‘𝗶𝗿 𝘆𝗼𝗴‘𝗶𝗯, 𝗵𝗮𝘃𝗼 𝗵𝗮𝗿𝗼𝗿𝗮𝘁𝗶 𝗽𝗮𝘀𝗮𝘆𝗮𝗱𝗶Istanbul Tabiiy ofatlar va riskla...
19/05/2026

⚡️ 𝗜𝘀𝘁𝗮𝗻𝗯𝘂𝗹𝗱𝗮 𝗻𝗼𝗾𝘂𝗹𝗮𝘆 𝗼𝗯-𝗵𝗮𝘃𝗼 𝗸𝘂𝘁𝗶𝗹𝗺𝗼𝗾𝗱𝗮: 𝗸𝘂𝗰𝗵𝗹𝗶 𝘆𝗼𝗺𝗴‘𝗶𝗿 𝘆𝗼𝗴‘𝗶𝗯, 𝗵𝗮𝘃𝗼 𝗵𝗮𝗿𝗼𝗿𝗮𝘁𝗶 𝗽𝗮𝘀𝗮𝘆𝗮𝗱𝗶

Istanbul Tabiiy ofatlar va risklarni boshqarish departamenti (AKOM) megapolis uchun 5 kunlik ob-havo prognozini e’lon qildi. Ma’lumotlarga ko‘ra, shaharda salqin va yomg‘irli ob-havo kuzatiladi.

Hafta davomida havo harorati mavsumiy me’yorlardan past bo‘lib, 18-22°C atrofida bo‘lishi kutilmoqda. Dushanba kuniga qadar vaqti-vaqti bilan momaqaldiroq va kuchli yog‘ingarchilik bo‘lishi prognoz qilinmoqda. Hafta boshidan esa quyosh chiqishi kutilmoqda.

📅 Kunlik ob-havo va yog‘ingarchilik miqdori:
🔹 20-may, chorshanba: Momaqaldiroqli kuchli yomg‘ir (15°C / 23°C, 3-10 kg/m²)
🔹 21-may, payshanba: Quyuq bulutli, vaqti-vaqti bilan kuchli yomg‘ir — haftaning eng ko‘p yog‘ingarchilik kutilayotgan kuni (15°C / 21°C, 5-15 kg/m²)
🔹 22-may, juma: Quyuq bulutli, vaqti-vaqti bilan yomg‘ir (14°C / 21°C, 3-7 kg/m²)
🔹 23-may, shanba: Quyuq bulutli, vaqti-vaqti bilan yomg‘ir (15°C / 22°C, 2-5 kg/m²)
🔹 24-may, yakshanba: Momaqaldiroqli kuchli yomg‘ir (14°C / 22°C, 3-7 kg/m²)
🔹 25-may, dushanba: Kam bulutli va ochiq havo, yog‘ingarchilik kutilmaydi (15°C / 24°C).

Address

Istanbul Türkiye
Istanbul
34000

Website

Alerts

Be the first to know and let us send you an email when Vatandosh Turkiye posts news and promotions. Your email address will not be used for any other purpose, and you can unsubscribe at any time.

Shortcuts

Share

Category