Temiryo‘linfratuzilma AJ

Temiryo‘linfratuzilma AJ "Temiryo'linfratuzilma" AJ

O‘zbekiston va Belarus o‘rtasida ilk to‘g‘ridan to‘g‘ri blok poyezd yo‘lga qo‘yildiO‘zbekiston va Belarus o‘rtasidagi sa...
05/08/2026

O‘zbekiston va Belarus o‘rtasida ilk to‘g‘ridan to‘g‘ri blok poyezd yo‘lga qo‘yildi

O‘zbekiston va Belarus o‘rtasidagi savdo-iqtisodiy hamkorlikni rivojlantirish, transport-logistika aloqalarini mustahkamlash yo‘lida yana bir muhim qadam tashlandi.

Ikki davlat o‘rtasida ilk bor to‘g‘ridan-to‘g‘ri blok-poyezd qatnovi yo‘lga qo‘yildi. 2026-yil 30-iyul kuni Belarus Respublikasining Orsha-Vostochniy stansiyasidan yo‘lga chiqqan “Slavyan karvoni” nomli birinchi to‘g‘ridan-to‘g‘ri blok-poyezd qariyb 6 kun davomida 4 ming kilometrga yaqin masofani bosib o‘tib, 2026-yil 5-avgust kuni Toshkent shahridagi Chuqursoy stansiyasiga muvaffaqiyatli yetib keldi.

Yangi yo‘nalishning ishga tushirilishi munosabati bilan blok-poyezd tantanali ravishda kutib olindi. Tadbirda mazkur tashabbus O‘zbekiston va Belarus o‘rtasidagi transport-logistika hamkorligini yangi bosqichga olib chiqishi, yuk tashish jarayonlarini yanada tezkor va samarali tashkil etish hamda savdo hajmini oshirishga xizmat qilishi alohida ta’kidlandi.

Shuningdek, ushbu yo‘nalish samaradorligini ta’minlashda temir yo‘l infratuzilmasining barqaror faoliyatini yo‘lga qo‘yish, stansiyalarning o‘tkazuvchanlik imkoniyatlarini kengaytirish, yuk oqimlarini xavfsiz va uzluksiz tashkil etish bo‘yicha amalga oshirilayotgan ishlar muhim ahamiyat kasb etmoqda

Yangi yo‘nalish — yangi imkoniyatlar, mustahkam hamkorlik sari yana bir muhim qadam!

Hurmatli temir yo‘l transporti sohasi vakillari, qadrli temiryo‘lchilar!Sizlarni mamlakatimizda keng nishonlanayotgan Te...
02/08/2026

Hurmatli temir yo‘l transporti sohasi vakillari, qadrli temiryo‘lchilar!

Sizlarni mamlakatimizda keng nishonlanayotgan Temir yo‘l transporti xodimlari kuni bilan “Temiryo‘linfratuzilma” aksiyadorlik jamiyati nomidan chin qalbimizdan samimiy muborakbod etamiz.

Temir yo‘l infratuzilmasi mamlakatimiz iqtisodiyoti, sanoati va transport tizimining mustahkam tayanchi hisoblanadi. Bugungi k***a Yangi O‘zbekistonda amalga oshirilayotgan keng ko‘lamli islohotlar doirasida temir yo‘l tarmoqlarini modernizatsiya qilish, yangi magistral yo‘llarni barpo etish, mavjud uchastkalarni rekonstruksiya va elektrlashtirish, stansiyalarni zamonaviy talablarga mos ravishda yangilash bo‘yicha keng qamrovli ishlar amalga oshirilmoqda.

Signalizatsiya, markazlashtirish va aloqa tizimlarining takomillashtirilishi, raqamli texnologiyalar hamda avtomatlashtirilgan boshqaruv yechimlarining joriy etilishi harakat xavfsizligini mustahkamlash, yuk va yo‘lovchi tashish jarayonlarining uzluksizligini ta’minlash hamda temir yo‘l infratuzilmasining samaradorligini oshirishga xizmat qilmoqda.

Soha rivojiga qo‘shilayotgan har bir hissa, avvalo, siz aziz temiryo‘lchilarning fidokorona mehnatingiz, yuksak kasbiy mahoratingiz va Vatan taraqqiyotiga bo‘lgan sadoqatingiz samarasidir.

Qadrli hamkasblar!

Mamlakatimiz ravnaqi va milliy temir yo‘l infratuzilmasini rivojlantirish yo‘lidagi samarali mehnatingiz uchun barchangizga samimiy minnatdorlik bildiramiz.

Sizlarga mustahkam sog‘liq, oilaviy baxt-saodat, sharafli va mas’uliyatli faoliyatingizda yangi yutuqlar, ulkan muvaffaqiyatlar hamda ezgu ishlaringizda bardavom zafarlar tilaymiz.

Temir yo‘l infratuzilmasi ravnaqi yo‘lidagi fidokorona mehnatingiz doimo yuksak e’tirofga sazovor bo‘lsin!

Hurmat va ehtirom bilan

“Temiryo‘linfratuzilma” AJ boshqaruvi raisi
S.A. Norqabilov

01/08/2026

O‘zbekiston temiryo‘lchilari o‘z kasb bayramini nishonlamoqda

Prezidentimiz Shavkat Mirziyoyev tashabbuslari bilan 2017-yildan buyon avgust oyining birinchi yakshanbasi mamlakatimizda Temir yo‘l transporti xodimlari kuni sifatida nishonlab kelinmoqda.

Ushbu kasb bayrami munosabati bilan bugun “Temiryo‘lchilar madaniyat saroyi”da tantanali bayram tadbiri tashkil etildi.

31/07/2026

Temiryo‘lchilarni taqdirlash marosimi

TEMIR YO‘LCHILAR KUNI MUNOSABATI BILAN FAOL XODIMLAR TAQDIRLANDIJoriy yilning 31-iyul kuni Temir yo‘lchilar kuni munosab...
31/07/2026

TEMIR YO‘LCHILAR KUNI MUNOSABATI BILAN FAOL XODIMLAR TAQDIRLANDI

Joriy yilning 31-iyul kuni Temir yo‘lchilar kuni munosabati bilan "Temiryo'linfratuzilma" AJ boshqaruvi raisi S.A. Norqabilov boshchiligida tantanali taqdirlash marosimi bo‘lib o‘tdi.

Tadbir davomida jamiyat tizimida ko‘p yillardan buyon fidokorona mehnat qilib, o‘zining yuksak kasbiy mahorati, mas'uliyati hamda soha rivojiga qo‘shayotgan munosib hissasi bilan ajralib turgan bir guruh faol xodimlar esdalik sovg‘alari hamda qimmatbaho sovg‘alar bilan taqdirlandilar.

Marosimda so‘zga chiqqan Jamiyat boshqaruvi raisi S.A. Norqabilov barcha temir yo‘lchilarni kasb bayrami bilan samimiy muborakbod etib, ularning mashaqqatli va sharafli mehnati mamlakat transport infratuzilmasini rivojlantirish, harakat xavfsizligini ta'minlash hamda yo‘lovchilar va yuklarni uzluksiz tashishni tashkil etishda muhim o‘rin tutishini alohida ta'kidladi.

Tadbir yakunida taqdirlangan xodimlarga kelgusidagi faoliyatlarida ulkan muvaffaqiyatlar, mustahkam sog‘lik va yangi mehnat zafarlarini tilab qolindi.

Temir yo‘lchilar kuni muborak bo‘lsin! 🚆🎉

25/07/2026

“Temiryo‘linfratuzilma” AJ “Toshkent mintaqaviy temir yo‘l uzeli” filialiga qarashli “Chuqursoy” stansiyasida “Aqlli temir yo‘l tarozisi” hamda “Vagon Vision” axborot tizimlari, shuningdek, raqamlashtirish jarayonlari haqida keng ma’lumot berish maqsadida ommaviy axborot vositalari vakillari uchun press-tur tashkil qilindi.

25/07/2026

Temiryo‘lda
Aqlli texnologiyalar – tezkor va shaffof

🗓 23.07.2026

Tavallud ayyomingiz muborak bo’lsin, Hurmatli Prezident!
24/07/2026

Tavallud ayyomingiz muborak bo’lsin, Hurmatli Prezident!

“Chuqursoy” stansiyasida OAV vakillari uchun mediatur tashkil etildiJoriy yilning 23-iyul kuni “Temiryo’linfratuzilma” A...
23/07/2026

“Chuqursoy” stansiyasida OAV vakillari uchun mediatur tashkil etildi

Joriy yilning 23-iyul kuni “Temiryo’linfratuzilma” AJ “Toshkent mintaqaviy temir yo‘l uzeli” filialiga qarashli “Chuqursoy” stansiyasida ommaviy axborot vositalari vakillari ishtirokida mediatur o‘tkazildi. Tadbir davomida temir yo‘l sohasida joriy etilayotgan zamonaviy raqamli texnologiyalar taqdim etilib, xususan, “Aqlli temir yo‘l tarozisi” hamda “Vagon Vision” sun’iy intellekt tizimlarining ishlash prinsipi va afzalliklari haqida atroflicha ma’lumot berildi.

“Aqlli temir yo‘l tarozisi” yuk ortilgan vagonlarni avtomatik tarzda tortish, me’yordan ortiq yuklangan vagonlarni aniqlash va nazorat qilish imkonini beradi. Tizim sun’iy intellekt asosida olingan ma’lumotlarni tahlil qilib, ularni yagona elektron bazada jamlaydi. Bu esa temir yo‘l infratuzilmasiga tushadigan ortiqcha yuklamalarni kamaytirish, vagonlarning xizmat muddatini uzaytirish hamda poyezdlar harakati xavfsizligini yanada mustahkamlashga xizmat qiladi. Shuningdek, yuklarning belgilangan manzilga ishonchli va xavfsiz yetkazilishiga ham ijobiy ta’sir ko‘rsatadi.

“Vagon Vision” tizimi esa stansiyadan harakatlanib o‘tayotgan poyezd va vagonlarni kompyuter ko‘ruvi texnologiyasi asosida real vaqt rejimida avtomatik ravishda aniqlaydi va ro‘yxatga oladi. Ushbu yechim inson omili ta’sirini kamaytirib, ma’lumotlarning aniqligi hamda shaffofligini oshiradi. Natijada vagonlarni hisobga olish jarayoni tezlashadi, kutish vaqti qisqaradi hamda logistika jarayonlarining samaradorligi ortadi.

Mazkur innovatsion yechimlar “O‘zbekiston temir yo‘llari” aksiyadorlik jamiyatida raqamli transformatsiya jarayonlarini jadallashtirish, xizmatlar sifatini yangi bosqichga olib chiqish va mamlakat transport-logistika tizimining raqobatbardoshligini oshirish yo‘lida muhim ahamiyat kasb etmoqda.

18/07/2026

⚠️ Tezlik, kuch va soniyalar: Nega poyezd oldida hamma ojiz?

Poyezdning tezligi, og‘irligi va tormozlanish masofasi haqida ko‘pchilik yetarli tasavvurga ega emas. Birgina beparvolik yoki shoshqaloqlik esa qaytarib bo‘lmaydigan oqibatlarga olib kelishi mumkin.

🎥 Ushbu videoda poyezd harakati bilan bog‘liq muhim va hayotiy ma’lumotlar yoritilgan. Videoni oxirigacha tomosha qiling va o‘zingiz hamda yaqinlaringiz xavfsizligi uchun zarur xulosalarni chiqaring.

🚉 Temir yo‘l — hazil emas. Harakat xavfsizligi qoidalariga qat’iy amal qiling!

Address

Tashkent

Website

,

Alerts

Be the first to know and let us send you an email when Temiryo‘linfratuzilma AJ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category