18/08/2026
Jamoat tartibi — barchamizning umumiy mas’uliyatimiz!
Surxondaryo viloyati IIB boshlig‘ining 2026 yil 14 avgustdagi tegishli farmoyishiga asosan viloyat hududida “Surxondaryo viloyati tajribasi” asosida 15 avgustdan 15 sentabrga qadar “Jamoat tartibiga qarshi jinoyatlarga qarshi kurashish oyligi” o‘tkazilmoqda.
Ushbu oylik doirasida Denov tumani IIB boshlig‘i o‘rinbosari — Jamoat xavfsizligi xizmati boshlig‘i, podpolkovnik Jo‘rabek Xojaqulov hamda Probatsiya bo‘linmasi boshlig‘i va xodimlari tomonidan probatsiya bo‘linmasi hisobida jazo o‘tayotgan nazorat ostidagi shaxslar bilan profilaktik uchrashuv o‘tkazildi.
Uchrashuv davomida ularga jinoyatni takror sodir etmaslik, qonun talablariga qat’iy rioya qilish, jamiyatda munosib xulq-atvor qoidalariga amal qilish yuzasidan zarur tushuntirishlar berildi.
Shuningdek, nazorat ostidagi har bir shaxs rasmiy ravishda ogohlantirilib, jinoyatchilikning oldini olish, huquqbuzarliklarga yo‘l qo‘ymaslik va jamiyat xavfsizligini ta’minlash borasida profilaktik ishlar olib borildi.
Zero, qonunga hurmat — tinch va osoyishta hayotning, mas’uliyatli munosabat esa jamiyat xavfsizligining muhim garovidir.
“Xatodan xulosa chiqargan inson to‘g‘ri yo‘lni topadi, qonunga amal qilgan inson esa el ishonchiga sazovor bo‘ladi!”
