Namakwa Toere / Namaqua Tours

Namakwa Toere / Namaqua Tours Ons is die leiers van Namakwalandse blommetoere, Namibië, Botswana, Kalahari en Weskus-Sederberg toere
(303)

Sinoniem met die panoramiese Sederberge, die asemrowende Stadsaalgrotte wat jou op ‘n verbeeldingstog neem en jou na ‘n ander dimensie weglei, ongerepte Weskus natuurskoonheid, kaleidoskoop van Namakwalandse blommeprag, gasvryheid, weglê-etes en die luuksste busvervoer.

Omdat die dag eenvoudig te mooi is om dit nie ten volle te benut nie, begin ons ons toer met ’n draai by die Weskus Nasi...
06/09/2026

Omdat die dag eenvoudig te mooi is om dit nie ten volle te benut nie, begin ons ons toer met ’n draai by die Weskus Nasionale Park. 🌼💙 Die veldblomme staan in volle prag, met die blou see as agtergrond — ’n uitsig wat mens sommer stil maak.

Maar soos altyd is daar net te min ure in ’n dag om alles te sien wat ons graag wil sien. Ons klim dus weer in die pad en trek verder deur die besondere Weskus-dorpies, elkeen met sy eie karakter, stories en sjarme.

Tussen die see, veldblomme en unieke kuskultuur beleef ons die Weskus op sy mooiste. ’n Dag vol kleur, asemrowende uitsigte en daardie onmiskenbare Weskus-atmosfeer. 🌸🌊⛰️

’n Winderige dag langs die Weskus en deur die hele Namakwaland!Ons kies om eers ’n draai in die Knersvlakte te maak, waa...
04/09/2026

’n Winderige dag langs die Weskus en deur die hele Namakwaland!Ons kies om eers ’n draai in die Knersvlakte te maak, waar ons op ’n ware skattejag gaan vir die klein juwele van hierdie besonderse streek. Tussen die wit kwartsklippe lê ’n wêreld van unieke vetplante versteek – klein skatte wat maklik misgekyk word as jy nie mooi kyk nie.

Vandaar vat ons koers kus toe, na die Juweel van die Weskus, Strandfontein, om dié pragtige kusdorpie te verken. Ons maak ook ’n draai by Doringbaai, waar die see, wind en ruwe kuslyn saam ’n besondere Weskus-karakter skep.

Maar ons dag eindig nie daar nie. Voor ons die pad terug vat, stop ons by Vanrhynsdorp se bekende Kokerboom Kwekery, waar ons ons eie klein stukkies van Namakwaland se unieke plantwêreld uitsoek om huis toe te neem.

Van die klein juwele van die Knersvlakte tot die grootse oop see van die Weskus – wat ’n dag vol natuurskoon, ontdekkings en spesiale herinneringe!

’n Kind se omstandighede bepaal nie sy ster nie. By Elizabethfontein Primêr word kinders bemagtig, geïnspireer en geleer...
03/09/2026

’n Kind se omstandighede bepaal nie sy ster nie. By Elizabethfontein Primêr word kinders bemagtig, geïnspireer en geleer om verder as hul omstandighede te droom. Die Betjies bewys keer op keer dat waar liefde, leiding en geloof is, drome kan blom. Met talent, hoop en visie dans hulle vir hul toekoms, hul skool en hul land — ware sterre uit die stof, met die wêreld in hul hande en sterre in hul oë.

03/09/2026

Nadat die reën ons omtrent die hele winter én blommeseisoen laat wag het, is hierdie ’n baie mooi gesig om te sien! ☔️💦

Baie dankie aan Sonja van Garies Toeristestal wat hierdie mooi video van die reën in Garies en die Namakwalandse klipkoppe met ons gedeel het. 🌧️⛰️

Ons hoop van harte die res van ons streek kry ook sulke goeie reën! 🙏🏼🌱 Mag dit net aanhou val! ❤️

02/09/2026

Nieuwoudtville is steeds aan die blom! 🌸
Van die Kokerboomwoud by Gannabos tot by Willemsrivier het ons die dorp en sy pragtige omgewing behoorlik ingekleur met blommemooiste. 🌿🌼

Velde vol blomme, ’n ongelooflike verskeidenheid spesies en kleur na kleur maak hierdie tyd van die jaar werklik besonders. Elke draai, elke veld en elke nuwe blom bring ’n verrassing en iets nuuts om te ontdek.

Wat ’n ongelooflike dag in die hart van die blommekrans! 🌸 ’n Mens kan amper nie genoeg kry van hierdie wonderlike vertoning wat die natuur elke jaar vir ons skep nie. 💛🌿⛰️

Nieuwoudtville is steeds aan die blom! 🌸Van die Kokerboomwoud by Gannabos tot by Willemsrivier het ons die dorp en sy pr...
02/09/2026

Nieuwoudtville is steeds aan die blom! 🌸
Van die Kokerboomwoud by Gannabos tot by Willemsrivier het ons die dorp en sy pragtige omgewing behoorlik ingekleur met blommemooiste. 🌿🌼

Velde vol blomme, ’n ongelooflike verskeidenheid spesies en kleur na kleur maak hierdie tyd van die jaar werklik besonders. Elke draai, elke veld en elke nuwe blom bring ’n verrassing en iets nuuts om te ontdek.

Wat ’n ongelooflike dag in die hart van die blommekrans! 🌸 ’n Mens kan amper nie genoeg kry van hierdie wonderlike vertoning wat die natuur elke jaar vir ons skep nie. 💛🌿⛰️

Address

22 Voortrekker Street
Vanrhynsdorp
8170

Website

Alerts

Be the first to know and let us send you an email when Namakwa Toere / Namaqua Tours posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Namakwa Toere / Namaqua Tours:

Shortcuts

Share